وبلىس اكىمىنىڭ تۇركسىب اۋدانىنىڭ تۇرعىندارىمەن كەزدەسۋىندە جەرگىلىكتى تۇرعىن دەنساۋلىق ساقتاۋ سالاسىنىڭ جۇمىسىنا شاعىم ءبىلدىردى.
«مەنىڭ تۇركسىب اۋدانىنداعى ەمحانا قىزمەتكەرلەرىنىڭ جۇمىسىنا كوڭىلىم تولمايدى. مەديتسينا ماماندارىنىڭ سالعىرتتىعىنان بىلتىر جۇبايىمنان ايىرىلىپ قالدىم. قاداعالاۋ ورگاندارىنا ارىز دا ءتۇسىردىم, مەنىڭ ويىمشا ەمدەۋ مەكەمەسىنىڭ باسشىسىنا شارا قولدانۋ كەرەك», دەدى اۋدان تۇرعىنى.
ەربولات دوساەۆ الداعى ۋاقىتتا قالانىڭ دەنساۋلىق ساقتاۋ باسقارماسىنا جاڭا باسشى تاعايىندالاتىنىن ايتتى.
«الماتى قالاسى اكىمدىگى دەنساۋلىق ساقتاۋ باسقارماسىنىڭ باسشىسى لاۋازىمىنا كونكۋرس جاريالايدى. جاقىندا جاڭا باسشى تاعايىندالادى», دەدى ەربولات دوساەۆ.
