«اقتاۋ ءسامميتى بۇكىل الەمدىك قوعامداستىققا كاسپي ماڭى مەملەكەتتەرىنىڭ كۇردەلى ماسەلەلەردى تەك بەيبىت جولمەن, تاتۋ كورشىلىك پەن دوستىق رۋحىندا شەشۋگە قابىلەتتى ەكەنىن كورسەتتى. بەسجاقتى ءوزارا ءىس-قيمىلدى كەشەندى تەرەڭدەتۋ ءۇشىن بەرىك قۇقىقتىق ىرگەتاس قالاعان كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا كوپ جىلعى كەلىسسوزدەردەن كەيىن قول قويىلۋى وسىنىڭ كورنەكى دالەلى بولىپ وتىر», دەدى پرەزيدەنت.
مەملەكەت باسشىسى كاسپي ماڭى ەلدەرىنىڭ الەۋەتىن تولىققاندى پايدالانۋ ۇشىن ىنتىماقتاستىققا قاتىستى پايىمىن ۇسىندى.
«كاسپي - بۇل پايدالى رەسۋرستاردىڭ ۇلكەن ورتالىعى عانا ەمەس, سونىمەن بىرگە شەكسىز مۇمكىندىكتەر تەڭىزى. بۇگىنگى تاڭدا ءبىزدىڭ ءبىرىنشى كەزەكتەگى مىندەتىمىز - كونۆەنتسيانىڭ تەز ارادا كۇشىنە ەنۋىن قامتاماسىز ەتۋ. ءتورت جىل بويى وسى ماسەلەگە قاتىستى ءوزارا قولايلى شەشىمدەردى ىزدەۋ بويىنشا تىنىمسىز جۇمىس جۇرگىزىلۋدە. ءبىز تاراپتاردىڭ ۇستانىمدارىنا تۇسىنىستىكپەن قارايمىز, ويتكەنى بۇل ماسەلەلەر ۇلتتىق مۇددەلەردى تىكەلەي قوزعايدى», دەدى مەملەكەت باسشىسى.
