قازاقستان • 29 ماۋسىم، 2022

قازاقستاندا كۇنباعىس مايىنىڭ تاپشىلىعى جوق - مينيستر

21 رەت كورسەتىلدى

اۋىل شارۋاشىلىعى ءمينيسترى ەربول قاراشوكەەۆ كۇنباعىس مايىنىڭ ەكسپورتىنا نە ءۇشىن شەكتەۋ قويىلعانىن ءتۇسىندىردى، دەپ حابارلايدى Egemen.kz.

«قازاقستاندا كۇنباعىس مايىنىڭ تاپشىلىعى جوق، بولعان دا ەمەس. نەگىزى الەمدەگى داعدارىستى قاراپ وتىرساڭىز، وتكەن 3-4 ايدا كۇنباعىس مايى قىمباتتاپ كەتتى. كورشىلەس ەلدەردە ماي ەكى-ءۇش رەت قىمباتتاپ، تابىلماي حالىقتىڭ دۇرلىككەن كەزدەرى بولدى. قازاقستاندى الساق، ءبىز جىل كولەمىندە 1 ملن توننا كۇنباعىستى ءوزىمىز شىعارامىز جانە وڭدەيمىز. نەگىزى قازاقستانداعى كۇنباعىس مايىن قايتا وڭدەۋ زاۋىتتارى 2 ملن توننا كۇنباعىستى وڭدەي الادى. دەمەك، جۇكتەلىپ وتىرعان دەڭگەيى تومەن، 50-اق پايىزى تولىپ وتىر. سول سەبەپتى، ءبىز كۇنباعىس مايىنىڭ وزىنە كۆوتا ەنگىزگەن بولاتىنبىز»، دەدى ەربول قاراشوكەەۆ ءماجىلىس وتىرىسىنان كەيىن تىلشىلەرگە بەرگەن سۇحباتىندا.

ءمينيستردىڭ ايتۋىنشا، بۇل كۆوتالار تامىزدىڭ اياعىنا دەيىن كۇشىندە بولادى، وندا 15 مىڭ توننا كۇنباعىس، 68 مىڭ توننا شيكى كۇنباعىس مايىن شىعارۋعا كۆوتا بەرىلگەن.

ء«بىز ءوز الدىمىزعا بالانستى ساقتاۋ تالابىن قويىپ وتىرمىز. بىرىنشىدەن، كۇنباعىستىڭ ءوزىن شىعارۋعا رۇقسات ەتىپ، ءوز زاۋىتتارىمىزدىڭ دا جۇكتەمەسىن قامتىپ، كۇنباعىس مايىن ءوزىمىز وندىرەتىندەي دەڭگەيگە شىعارۋ. كۇنباعىستى 1 ملن توننا ەمەس، 4 ملن توننا ەتىپ شىعارا الساق، ارينە شەكتەۋ كۆوتاسىن قويمايتىن ەدىك. سول سەبەپتى ءبىز كۆوتا ەنگىزگەندە باعاسىن مۇقيات قاراپ، شارۋالار كەلەر جىلى كۇنباعىس ەكپەي قويماسىن دەپ، بالانستى ساقتاپ وتىرمىز»، دەدى ەربول قاراشوكەەۆ.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار