«قاندى قاڭتار كەزىندە 238 ادام قازا تاپتى. ونىڭ ىشىندە 6 ادام ازاپتاۋلاردان كەيىن ولگەن. ازاپتاۋ ارەكەتى بويىنشا 15 ادام كۇدىككە ءىلىندى. ونىڭ توعىزى قاماۋدا وتىر», دەدى اسەت شىنداليەۆ ءماجىلىس كۋلۋارىندا.
سونداي-اق ول قاڭتار كەزىندە قازا بولعانداردىڭ تولىق ءتىزىمىن جاريالاۋ ءۇشىن ءار قۇرباننىڭ قانداي جاعدايدا ولگەنى انىقتالىپ ءبىتۋى كەرەك ەكەنىن ەسكەرتتى.
ء«بىز ول كۇدىكتىلەردىڭ ءبارى كىنالى دەپ قازىر ايتا المايمىز. تەرگەۋ ءجۇرىپ جاتىر. قايتىس بولعانداردىڭ سانى بەلگىلى. بىراق تەرگەۋ شارالارى ءجۇرىپ جاتىر. ادام قاي جەردە, قانداي جاعدايدا ولگەنىن انىقتاۋ قاجەت», دەدى باس پروكۋروردىڭ ورىنباسارى.
