ايماقتار • 28 ماۋسىم، 2022

پاۆلوداردا ەمحانالاردىڭ جۇمىس ءتارتىبى وزگەرەدى

15 رەت كورسەتىلدى

بۇل تۋرالى ورتالىق كوممۋنيكاتسيالار قىزمەتىندە پاۆلودار وبلىسىنىڭ اكىمى ابىلقايىر سقاقوۆ ايتتى، دەپ حابارلايدى Egemen.kz.

«پاۆلودارلىقتار ەمحانالاردىڭ جۇمىسىنا قاتىستى ماعان ءجيى شاعىمدانادى. اپتا سايىن ءبىر مازمۇنداعى حابارلامالار كەلىپ تۇسەتىنىن ەسكەرسەك، ەمحانالارداعى ماسەلەلەر جۇيەلى سيپاتتا ەكەنىن ءتۇسىنۋ كەرەك. وسى ورايدا ءبىز نە ىستەدىك؟ بىرىنشىدەن، مەن ەمحانالاردى ارالاپ شىقتىم. كەيىننەن وبلىستىق دەنساۋلىق ساقتاۋ مەكەمەسىنىڭ باسشىلىعىمەن جانە باسقا دا تاراپتارمەن كولل-ورتالىقتارى، تىركەۋ بولىمدەرى جۇمىستارىنا، سونداي-اق ەمحانا ىشىندەگى ماسەلەلەرگە تالداۋ جۇرگىزدىك. سەبەبى شاعىمدار تەلەفون ارقىلى بايلانىسقا شىعۋدىڭ قيىندىعى، پەرسونالدىڭ دورەكى قارىم-قاتىناسى، قابىلداۋعا بارعان ادامداردىڭ كەزەكتە ۇزاق تۇرۋى سەكىلدى ماسەلەلەرگە قاتىستى بولىپ وتىر»، دەدى ءا. سقاقوۆ.

سونداي-اق ءوڭىر باسشىسى مەديتسينالىق ۇيىمداردا كەلگەن ادامدارعا قولايلى جاعداي جاساۋ مۇمكىندىكتەرى نازارعا الىنباعانىن اتاپ ءوتتى.

«باستاپقى مەديتسينالىق-سانيتارلىق قىزمەت جۇمىسىن قايتا قۇرىپ جاتىرمىز. بۇل تۇرعىدا تۇرعىندارعا قولايلى جاعداي جاساۋعا ەكپىن قويىلعان. قازىرگى كەزدە ەمحانالارعا قوڭىراۋ شالۋ كەزىندەگى كۇتۋ ۋاقىتى 4 ەسەگە قىسقاردى. ال مەدبيكەلەر بەكەتتەرىن ەنگىزۋ ەسەبىنەن دارىگەرلەردىڭ جۇكتەمەسى 35 پايىزعا ازايدى. ەمحانالاردا تسيفرلىق بەكەتتەر ورناتىلدى. سونىمەن قاتار call-ورتالىقتاردىڭ، تىركەۋ بولىمدەرىنىڭ جانە باسقا دا قۇرىلىمدىق بولىمشەلەردىڭ 385 قىزمەتكەرى وقىتۋدان ءوتتى»، دەدى ءوڭىر اكىمى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار