«سامۇرىق-قازىنا» بارلىق قازاقستاندىق ءۇشىن IPO-نى قولجەتىمدى ەتىپ, بولشەك جانە ينستيتۋتسيونالدىق ينۆەستورلاردى بارىنشا كوپ قامتۋدى جوسپارلاپ وتىرعانىن مالىمدەدى.
بۇعان دەيىن پرەزيدەنت قاسىم-جومارت توقاەۆ ۇلتتىق كومپانيالاردى IPO-عا شىعارۋ جۇمىستارىن ماڭىزدى مىندەت رەتىندە اتاعان بولاتىن. مەملەكەت باسشىسى «سامۇرىق-قازىنا» اكتسيونەرلىك قوعامى مەن ونىڭ ۇلتتىق كومپانيالارىنىڭ ءرولىن مىسالعا كەلتىردى.
«ەلىمىزدىڭ قاراپايىم ازاماتتارى ۇلتتىق كومپانيالاردىڭ اكتسيالارىن يەلەنۋگە جانە سالىمدارىنان ءوز ديۆيدەنتتەرىن الۋعا مۇمكىندىگى بولۋعا ءتيىس. ءدال وسىنداي جولمەن حالىقتىڭ ينۆەستيتسيالىق مادەنيەتى قالىپتاسادى. IPO-عا قاتىسۋ قازاقستاننىڭ بارلىق تۇرعىنى ءۇشىن قولجەتىمدى بولۋى قاجەت. ول ءۇشىن قاعازباستىلىق پەن بيۋروكراتيانى بولدىرمايتىن جاڭا تسيفرلىق شەشىمدەر كەرەك», دەدى ق.توقاەۆ.
