شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وقيعا 27 ماۋسىم كۇنى ساعات 17:00 شاماسىندا پانفيلوۆ كوشەسىندە بولعان. 6-قاباتتا ورنالاسقان پاتەردەگى اشىق تەرەزەدەن 3 جاسار بالا قۇلاپ, كوز جۇمدى. بالانىڭ اناسى سول ۋاقىتتا كورشى بولمەدە بولعان.
«كوپ جاعدايدا بالالاردىڭ تەرەزەدەن قۇلاۋ سەبەپتەرى - تەرەزەلەرى اشىق ۇيدە قاراۋسىز قالۋ, تەرەزەلەردە قاۋىپسىزدىكتى قامتاماسىز ەتەتىن ارنايى تەمىر توردىڭ جانە وزگە دە قۇرىلعىلاردىڭ بولماۋى, تەرەزە جانىندا ۇستەلدىڭ, ورىندىق پەن ديۆاننىڭ ورنالاسۋى. سونداي-اق قورعانىش بولىپ كورىنەتىن موسكيت تورلارى دا ۇلكەن قاۋىپ توندىرەدى», دەپ حابارلادى ۆەدومستۆو وكىلدەرى.
وسى رەتتە, قۇتقارۋشىلار ءوڭىر جۇرتشىلىعىنا قاۋىپسىزدىك شارالارىن ۇنەمى قاپەردە ۇستاۋ كەرەكتىگىن ەسكەرتتى.
