بقو پوليتسيا دەپارتامەنتى ءباسپاسوز قىزمەتىنەن تۇسكەن مالىمەتكە قاراعاندا, وقيعا 23 ماۋسىم كۇنى ورال-اتىراۋ جولىنىڭ 45-شاقىرىمىندا بولدى.
ساعات 04.00-دە 23 جاستاعى وزبەكستاندىق ازامات «DAEWOO NEXIA» اۆتوكولىگىن ايداپ كەلە جاتىپ, «ۆاز-2110» اۆتوكولىگىمەن بەتپە-بەت سوقتىعىسۋعا جول بەرگەن.
«سونىڭ سالدارىنان «ۆاز-2110« اۆتوكولىگىنىڭ 34 جاستاعى جۇرگىزۋشىسى وقيعا ورنىندا مەرت بولدى. ونىڭ مۇردەسى سوت-مەديتسينالىق ساراپتاماعا جىبەرىلدى. ءتۇرلى جاراقات العان 44 جاستاعى جولاۋشىسى وبلىستىق كوپبەيىندى اۋرۋحانانىڭ تراۆماتولوگيا بولىمشەسىنە جاتقىزىلدى.
وسى اۋرۋحانانىڭ جانساقتاۋ بولىمشەسىنە تۇسكەن وزبەكستاندىق جۇرگىزۋشى 27 ماۋسىم كۇنى كوز جۇمدى.
قازىرگى كەزدە قر قك 345-بابى 4-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە», دەپ حابارلادى ۆەدومستۆودان.
