ەستەلىك تاقتا ساربازدىڭ ءۇيىنىڭ قابىرعاسىنا ورناتىلىپ, گۇل شوقتارى قويىلدى.
«مادياردىڭ ەرلىگى - بارىمىزگە ۇلگى. ەلىمىزدىڭ باسىنا كۇن تۋعان كەزدە قانشاما سارباز ساپتا تۇرىپ ەلىمىزدىڭ تىنىشتىعى ءۇشىن ايانباي تەر توكتى. ولاردىڭ يگى ءىسى جادىمىزدان وشپەيدى», دەپ اتاپ ءوتتى قاراعاندى قالاسىنىڭ اكىمى ەرماعانبەت بولەكپاەۆ.
سالتاناتتى ءىس-شاراعا قاراعاندى قالاسىنىڭ اكىمدىگى, ءدىني باسقارما وكىلدەرى مەن ۇلتتىق ۇلان «ورتالىق» وڭىرلىك قولباسشىلىعىنىڭ اسكەري قىزمەتشىلەرى كەلدى.
«ەلىن قورعاۋ جولىندا ءوز جانىنىڭ اماندىعىن ويلاماي, لاڭكەسكە قارسى توتەپ بەرىپ, ەرجۇرەك ارەكەتىمەن قازا بولعان قارۋلاس باۋىرىمىزدىڭ ەسىمى ماڭگى ۇلىقتالادى. ءوز انتىنا ادال بولعاندارعا ماڭگىلىك تاعزىم!», دەدى «ورتالىق» وڭىرلىك قولباسشىلىعىنىڭ تاربيە جانە الەۋمەتتىك قۇقىقتىق جۇمىس جونىندەگى ورىنباسارى, پولكوۆنيك قانات بەلياكوۆ.
