ەر ادامنىڭ قىلمىسى «قاراسورا» جەدەل-الدىن الۋ شاراسى بارىسىندا اشكەرە بولدى.
التاي اۋدانىنىڭ پوليتسەيلەرى ءوز ۇيىندە ەسىرتكى ساقتاعان ەر ادامدى ۇستادى. كۇدىكتى سەرەبريانسك قالاسىنىڭ 47 جاستاعى تۇرعىنى.
ء«تىنتۋ بارىسىندا وسىمدىك تەكتەس زاتى بار 3 قۇتى, بىرنەشە بوتەلكە جانە ءبىر پوليەتيلەن پاكەت تاركىلەندى. سونىمەن قاتار پوليتسەيلەر گۇلدەپ تۇرعان 39 وسىمدىك بۇتاسىن تاپتى», دەپ مالىمدەدى ۆەدومستۆو وكىلدەرى.
ساراپشىنىڭ قورىتىندىسىنا سايكەس, وسىمدىكتەر قاراسورا تۇقىمىنا جاتادى - سالماعى 95,05 گرامم «كاننابيس» ەسىرتكىسى, تاركىلەنگەن قۇتىلاردا 430 گرامنان استام كەپتىرىلگەن ماريحۋانا ساقتالعان, ال پوليەتيلەن پاكەتتە وسى تەكتەس تاعى 20 گرامم ەسىرتكى بولعان.
ءتارتىپ ساقشىلارى كۇدىكتىنى پوليتسيا بولىمىنە جەتكىزدى, ول كىناسىن مويىندادى.
بۇل فاكتىگە قاتىستى قك 296-بابى 2-بولىگى «وتكىزۋ ماقساتىنسىز ەسىرتكى, پسيحوتروپتىق زاتتارمەن, سول تەكتەستەرمەن زاڭسىز جۇمىس ىستەۋ» بويىنشا سوتقا دەيىنگى تەرگەۋ باستالدى.
