26 ماۋسىم كۇنى الماتىدا سىناپ باعاناسى 36 گرادۋسقا دەيىن كوتەرىلەدى. وسىعان بايلانىستى, قالالىق تجد وكىلدەرى قالا تۇرعىندارى مەن قوناقتارىن كۇن ساۋلەسىنەن قورعانۋ ءۇشىن سەرۋەندەۋدەن باس تارتۋعا شاقىردى.
«اپتاپ ىستىق ادام دەنساۋلىعىنا كەرى اسەر ەتۋى مۇمكىن. بۇل جۇرەك-قان تامىرلارى اۋرۋلارىنان, گيپەرتونيادان زارداپ شەگەتىندەرگە, سونداي-اق ينفاركت پەن ينسۋلت قاۋپى بار ادامدارعا ەرەكشە قاۋىپ توندىرەدى. جاياۋ ءجۇرۋدى شەكتەڭىز, كوپ قيمىل-ارەكەت جاساۋدىڭ قاجەتى جوق. دارىگەردىڭ ۇسىنىستارىن قاتاڭ ساقتاڭىز جانە تاعايىندالعان ءدارى-دارمەكتەردى ۋاقىتىندا قابىلداڭىز. ارتەريالىق گيپەرتونيامەن اۋىراتىن ادامدار قان قىسىمىن ۇنەمى قاداعالاپ وتىرۋى كەرەك», دەلىنگەن قالالىق تجد حابارلاماسىندا.
