Ranking ساراپشىلارىنىڭ باعالاۋىنشا, جاڭا بانكتىڭ مامىر ايىنداعى كورسەتكىشتەرىنىڭ ءبارى مينۋس دەڭگەيىندە. باياعى دەڭگەيىنەن قاتتى تۇسپەگەن جالعىز كورسەتكىش مەنشىك كاپيتالى ەكەن. مەنشىك كاپيتالىنىڭ كولەمى ساۋىرمەن سالىستىرعاندا 0,1 پايىزعا تومەندەپ, 134 ملرد تەڭگەنى قۇراعان. ال جىلدىق ديناميكادا ءتىپتى 23,3 پايىز دەڭگەيىندە ۇتىسقا شىققان.
«وزگە كورسەتكىشتەر بويىنشا ەسو Center Bank-تە ءبارى دە ناشار. ءبىر ايدا بانك اكتيۆتەرى بىردەن ەكى ەسە ازايعان. كوكتەمدەگى «سانكتسيالىق» ايلاردا بانك جىلدىق ديناميكادا اكتيۆتەر پورتفەلىنىڭ 41,1 پايىزىن جوعالتتى. قارىز پورتفەلى 35,6 پايىزعا تومەندەدى. ساۋىردە بانكتىڭ مىندەتتەمەلەرى 2,5 ەسە ازايعان. سونداي-اق قارجى ينستيتۋتىنىڭ سالىمدارى 59,5 پايىزعا قىسقارىپ, 1 مامىردا 208,6 ملرد تەڭگەنى قۇرادى. جىلدىق ديناميكادا سالىم پورتفەلى 2,1 ەسە تومەندەگەن», دەيدى Ranking.
Eco Center Bank بولا سالىسىمەن جاريالاعان العاشقى جاڭالىقتارىنىڭ ءبىرى – جەكە تۇلعالار ءۇشىن 2022 جىلدىڭ 1 شىلدەسىنەن باستاپ دەپوزيت بويىنشا مولشەرلەمەنى تومەندەتۋى. سونىمەن قاتار جاڭا بانك بىرجاقتى تارتىپتە بارلىق اعىمداعى شوتتاردى جاۋىپ تاستادى. بانكتىڭ شوتىندا قالعان بارلىق قولما-قول اقشا «بانك تسەنتركرەديت» شوتتارىنا اۋىستىرىلادى.
سونداي-اق اعىمداعى شوتتى, دەبەتتىك نەمەسە نەسيە كارتالارىن, دەپوزيت اشۋ, كرەديت الۋ, Swift پايدالانۋ, كارتادان كارتاعا اۋدارىم جاساۋ سياقتى وپەراتسيالار ءالى دە قولجەتىمسىز.
