وبلىستىق تج دەپارتامەنتىنىڭ مالىمدەۋىنشە, 23 ماۋسىم كۇنى ساعات 15:52-دە پاۆلودار وبلىسى «112» پۋلتىنە باياناۋىل اۋدانى تورايعىر اۋىلىندا تورايعىر كولىندە جابدىقتالماعان جەردە ەر ادامداردىڭ سۋعا باتىپ كەتكەنى تۋرالى حابارلاما كەلىپ تۇسكەن.
«2008 جىلى تۋعان قىز بالا مەن 2013 جىلى تۋعان ۇل بالانى قۇتقارۋ كەزىندە قاراعاندى وبلىسىندا تۇراتىن 1978 جانە 1986 جىلى تۋعان ەكى ەر ادام سۋعا باتىپ كەتتى. بالالاردى جەدەل مەديتسينالىق جاردەممەن باياناۋىل اۋداندىق اۋرۋحاناسىنا جەتكىزدى, جاعدايى تۇراقتى, ەسىنەن تانىپ قالماعان», دەدى دەپارتامەنتتە.
ەر ادامداردىڭ دەنەسىن تابۋعا ەكىباستۇز قالاسىنىڭ قۇتقارۋشى-سۇڭگۋىرلەرى سۇڭگۋىر جابدىعىمەن ىزدەۋگە شىققان. ىزدەۋگە ساعات 19:00-دە شىعىپ, ساعات 19-39-دا دەنەلەرى شىعارىلدى.
وقيعا ورنىندا پاۆلودار وبلىسى تجد 4 قۇتقارۋشى, 1 تەحنيكا بىرلىگى جانە 1 ءجۇزۋ قۇرالى,«102»,«103» قىزمەتتەرى جۇمىلدىرىلدى.
ايانا توعانبەك
