قاراقيا اۋدانىنا قاراستى قۇلاندى اۋىلىندا تۇراتىن دانيال تولەۋىش ۇلتتىق تاعامداردى ساپالى دايىنداپ, كوركەم ەتىپ قاپتاپ-وراپ ساتۋعا شىعارۋمەن ءوز كاسىبىن دامىتۋدا. قاتىرعان سەكەر, ىرىمشىك, قۇرت, بالقايماق, ىرىمشىك رافاەللو جانە تاعى دا باسقا ءسۇت ونىمدەرى بار ۇلتتىق برەندتەگى تاتتىلەر ادەمى قاپتامامەن وبلىس ورتالىعىنداعى دۇكەن سورەلەرىندە جانە اقتاۋ حالىقارالىق اۋەجايى كافەتەريىندە ساتىلىمعا شىقتى.
ءبىر جىل بۇرىن تۇيە جانە سيىر سۇتىنەن تازا تابيعي ءونىم دايارلاپ, وتباسىلىق شاعىن بيزنەسپەن اينالىسا باستاعان دانيال تولەۋىش ارنايى ساۋىن اپپاراتتارىن الىپ كاسىبىن ۇلعايتقان. وتباسى مۇشەلەرىنەن بولەك ماركەتينگپەن, ءونىمدى ساتۋمەن, جارنامالىق كونتەنتپەن اينالىساتىن ماماندار الىپ, ءتورت ادامدى جۇمىسپەن قامتىپ وتىر.
قازىرگى تاڭدا قۇلاندىلىق جاس كاسىپكەردىڭ Aq dám تابيعي تازا ءسۇت ونىمدەرىنە سۇرانىس جوعارى ەكەن.
مال سۇتىنەن دايىندالعان ۇلتتىق تاعامداردىڭ دەنساۋلىققا پايداسى قاشاندا زور. سوندىقتان ول تۇرعىندار ءۇشىن دە, تۋريستەر ءۇشىن دە سۇرانىسقا يە ءونىم بولماق.
ماڭعىستاۋ وبلىسى
