فيفا-نىڭ ماۋسىم ايىنداعى الەمدىك رەيتينگى بويىنشا قازاقستان ۇلتتىق قۇراماسى بىردەن 11 ساتى جوعارىلاپ, 114-ورىنعا جايعاستى. ناۋرىز ايىنداعى رەيتينگتە قازاقستان 125-ورىندا تۇرعان بولاتىن. ماگومەد اديەۆ جاتتىقتىراتىن قازاقستان ۇلتتىق قۇراماسى ماۋسىم ايىندا ۇلتتار ليگاسى اياسىندا ءتورت ماتچ وتكىزىپ, ونىڭ ۇشەۋىندە جەڭىسكە جەتسە, ءبىر ويىندا تەڭ ءتۇستى.
اتاپ ايتار بولساق, جەرلەستەرىمىز العاش ازەربايجان قۇراماسىنان 2:0 ەسەبىمەن باسىم تۇسسە, كەيىن سىرت الاڭدا بەلارۋس فۋتبولشىلارىمەن تەڭ وينادى. سونداي-اق سلوۆاكيا قۇراماسىمەن ەكى ويىن وتكىزىپ, ەكەۋىندە دە جەڭىسكە جەتتى – 1:0, 2:1. دۇنيەجۇزىلىك رەيتينگتە بەس دۇركىن الەم چەمپيونى برازيليا كوش باستاپ تۇر. كەيىنگى ورىندارعا بەلگيا جانە ارگەنتينا قۇرامالارى جايعاسقان.
