توتەنشە جاعدايلار مينيسترلىگى ءباسپاسوز قىزمەتىنىڭ مالىمەتىنە سۇيەنسەك, 21 ماۋسىمدا بۇقار جىراۋ اۋدانىنداعى بەلاعاش ورمان شارۋاشىلىعىندا ءورت شىققان. ءتىلسىز جاۋ 101,5 گەكتاردى شارپىدى.
ءورتتى سوندىرۋگە قاراعاندى وبلىسىنىڭ تجد, قر تجم 52859 اسكەري ءبولىمىنىڭ قىزمەتكەرلەرى, ورمانشىلار جانە جەرگىلىكتى اتقارۋشى ورگان وكىلدەرى جۇمىلدىرىلدى. ءتىلسىز جاۋ 22 ماۋسىمدا ساعات 22:13-تە تولىقتاي ءوشىرىلدى.
«بۇدان بولەك قارقارالى اۋدانىندا ەكى جەردەن تۇتانعان دالا ورتىمەن كۇرەس جالعاسىپ جاتىر. 21 ماۋسىمدا ەگىندىبۇلاق اۋىلىنان سولتۇستىك-شىعىسقا قاراي 10 شاقىرىم جەردە ءورتتىڭ اۋماعى شامامەن 400 گەكتاردى قۇرايدى. وتتى سوندىرۋگە تجد قۇتقارۋشىلارى جانە ورمانشىلار اتتاندى», دەلىنگەن حابارلامادا.
22 ماۋسىمدا شىققان ەكىنشى ءورت 500 گەكتاردى شارپىدى. قىزىل جالىندى اۋىزدىقتاۋعا 182 ادام مەن 30 تەحنيكا جۇمىلدىرىلدى.
«تجم تىكۇشاقتارىمەن جانىپ جاتقان ۋچاسكەلەرگە سۋ شاشۋ جۇمىستارى جالعاسۋدا. تىكۇشاقتار ءورت وشاقتارىنا جالپى 42 رەت سۋ توكتى. ءورتتى ءسوندىرۋ تاۋلى-جارتاستى جەرلەرمەن, سۋ قويمالارىنىڭ الىستا بولۋىمەن, اۋىسپالى باعىتتاعى جەلدىڭ قاتتى ەكپىنىمەن كۇردەلەنىپ وتىر», دەلىنگەن حابارلامادا.
