پارلامەنت • 23 ماۋسىم، 2022

سەناتور: پايدالانىلماعان اڭشىلىق القاپتاردى مەملەكەتكە قايتارۋدى زاڭ جۇزىندە رەتتەۋ ماڭىزدى

11 رەت كورسەتىلدى

مال وسىرۋشىلەر اڭشىلىق شارۋاشىلىقتارىنا جەر تىم كوپ بەرىلدى دەپ سانايدى، فەرمەرلەرگە سوندىقتان جايىلىم جەتىسپەيدى. سەنات دەپۋتاتى جانبولات جورگەنباەۆ ءوزىنىڭ دەپۋتاتتىق ساۋالىندا الماتى جانە جەتىسۋ وبلىستارى تۇرعىندارىنىڭ پروبلەمالىق ماسەلەلەرى تۋرالى جان-جاقتى ايتىپ بەردى، دەپ جازادى Egemen.kz.

سەناتوردىڭ كەلتىرگەن دەرەكتەر بويىنشا، اتالعان ايماقتاردىڭ اۋماعىندا 132 اڭشىلىق القاپ بار، ولاردىڭ جەرىنىڭ جالپى كولەمى 5،0 ملن گەكتاردى قۇرايدى. سونىمەن قاتار، وڭىردە جايىلىمدىق جەرلەردىڭ تاپشىلىعى دا بايقالىپ وتىر. ءدال وسى كەزدە مالشىلاردىڭ ءوز مالدارىن جاياتىن جەرى جوق.

«قولدانىمداعى زاڭدارعا سايكەس، اڭشىلىق القاپتار 10 49 جىلعا دەيىن اڭشىلىق شارۋاشىلىقتارعا ۋاقىتشا  جەر پايدالانۋ قۇقىعىمەن بەرىلەدى (مەملەكەتتىك ورمان القاپتارىنا ورنالاسقان جەرلەر - جاناما ورمان پايدالانۋ قۇقىعىمەن).  بۇنداي  القاپتاردى اڭشىلىق ماقساتقا پايدالانۋ، اڭ ءوسىرۋدى قوسپاعاندا، نەگىزىنەن ماۋسىمدىق سيپاتتا. بۇل رەتتە، وسىنداي القاپتاردى پايدالانباعانى ءۇشىن مەملەكەتكە قايتارىپ الۋ ءتيىستى  زاڭنامالاردا رەتتەلمەۋىنە بايلانىستى،  ونداي جۇمىستاردى جۇرگىزۋ مۇمكىن بولماي وتىر»، دەدى سەناتور جانبولات جورگەنباەۆ.

دەپۋتات سونىمەن قاتار كەيبىر اڭ اۋلاۋ شارۋاشىلىقتارى جەكە ادامداردىڭ نەمەسە شاعىن توپتاردىڭ مۇددەسى ءۇشىن عانا پايدالانىلاتىنىن، سوندىقتان مۇنداي اڭ اۋلاۋ سەرۋەندەرىنىڭ ۇلكەن الەۋمەتتىك جانە ەكونوميكالىق ماڭىزى جوق ەكەنىن اتاپ ءوتتى. اسىرەسە، مال جايۋعا ارنالعان جايىلىمدار تاپشى بولىپ وتىرعان كەزدە ونىڭ قيسىنى دا جوق.

جانبولات جورگەنباەۆ وسىعان بايلانىستى يگەرىلمەگەن نەمەسە پايدالانىلمايتىن جەرلەردى تەكسەرىپ، تۇگەندەۋدى، اڭ اۋلاۋعا ارنالعان جەرلەردى بەكىتۋ كەزىندە جەرگىلىكتى حالىقتىڭ مال جايۋ نەمەسە ءشوپ شابۋ قاجەتتىلىگىن ەسكەرۋدى، سونداي-اق اڭشىلىق شارۋاشىلىقتارىن ولاردىڭ جەر پايدالانۋىنداعى سۋ كوزدەرىن تازارتۋدى جانە اۋماقتى ورتتەن قورعاۋدى مىندەتتەۋدى ۇسىندى.

سوڭعى جاڭالىقتار

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار