مينيستر باعدات مۋسين قوعامدىق كەڭەستىڭ مەملەكەتتىك ورگاندار قىزمەتىندەگى ايرىقشا ءرولىن اتاپ ءوتتى. «قوعامدىق كەڭەستەردىڭ ارقاسىندا وزەكتى ماسەلەلەر كوتەرىلىپ, قوعامدىق پىكىرلەر ايقىندالادى. ازاماتتىق قوعام مەن مەملەكەت بىرىگىپ جۇمىس ىستەسە, ءبىزدىڭ جوبالارىمىز دا ناتيجەلى جانە تيىمدىرەك بولارى ءسوزسىز», دەدى باعدات مۋسين.
مينيسترلىكتىڭ اپپارات باسشىسى ارمان كەنجەعاليەۆ ۆەدومستۆونىڭ بيۋدجەتتىك باعدارلاماسى بىرنەشە ستراتەگيالىق باعىت بويىنشا, سونىڭ ىشىندە ءىت-سالانى دامىتۋ, مەملەكەتتىك قىزمەت كورسەتۋ پروتسەسىن جەتىلدىرۋ, اقپاراتتىق قاۋىپسىزدىك دەڭگەيىن كوتەرۋ, اەروعارىش سالاسى مەن تاعى باسقا دا باعىتتاردا جۇزەگە اسقانىن اتاپ ءوتتى. «ستراتەگيالىق باعىتتار بويىنشا جالپى سوماسى 118 ملرد تەڭگەگە 10 بيۋدجەتتىك باعدارلاما ىسكە اسىرىلدى. بىلتىر مينيسترلىك 18 ماقساتتى ينديكاتورعا قول جەتكىزدى جانە كوبىنىڭ كورسەتكىشى جوسپارلانعان مەجەدەن استى», دەدى ارمان
كەنجەعاليەۆ.
مينيسترلىك پەن مەكەمەگە قاراستى ۇيىمدار ادامعا باعدارلانعان سەرۆيستەردى دامىتۋعا دا كۇش سالىپ جاتىر. قازىرگى تاڭدا 18 تسيفرلىق قۇجات قولجەتىمدى جانە بۇلتتى ەتسق ەنگىزىلدى. سونداي-اق نەگىزگى الەۋمەتتىك ماڭىزى بار 23 مەملەكەتتىك قىزمەت پرواكتيۆتى نۇسقادا ۇسىنىلادى. مىسالى, بالا تۋ بويىنشا مەملەكەتتىك قىزمەتتەردى SMS ارقىلى الۋعا بولادى, بۇگىندە 81 مىڭ ادامعا وسىنداي قىزمەت كورسەتىلگەن.
ء«بىز «ۆيدەو حقكو» جوباسىن ىسكە قوستىق. ۇيدەن شىقپاي-اق قىزمەت الۋعا مۇمكىندىك بەرەتىن بۇل قىزمەتتى 17 650 ازامات پايدالانعان. ياعني الداعى ۋاقىتتا ادامدار حقكو-عا بارماي-اق, قاشىقتان كونسۋلتاتسيا الىپ, ءتىپتى مەملەكەتتىك قىزمەتتەرگە دە قول جەتكىزە الادى», دەدى ستراتەگيالىق جوسپارلاۋ دەپارتامەنتىنىڭ ديرەكتورى مەيىربەك مۇقاتوۆ.
سوڭعى جىلدارى بايلانىس ساپاسىنا ۇلكەن كوڭىل بولىنۋدە. 2021 جىلى 628 ەلدى مەكەندە ينتەرنەت ساپاسى جاسقارتىلعان, 2022 جىلى 140 اۋىلدا وسى باعىت بويىنشا ءتيىستى جۇمىستار جۇرگىزىلىپ جاتىر. بۇل رەتتە ازاماتتار تاراپىنان بايلانىس ساپاسىنا رەسمي شاعىم تۇسەتىن بولسا, جوسپاردان تىس تەكسەرىس جۇرگىزىلەدى. زاڭبۇزۋشىلىقتار راستالعان جاعدايدا وپەراتورلارعا ايىپپۇل سالىنىپ, بايلانىس ساپاسىن جوندەۋ تۋرالى نۇسقاما بەرىلەدى. 2021 جىلى 562 تەكسەرۋ جاسالىپ, جالپى سوماسى 132 ملن استام تەڭگەگە ايىپپۇل سالىندى.
نۇر-سۇلتان, الماتى جانە شىمكەنت قالالارىنداعى 5G تەحنولوگياسىنىڭ سىناعى ءساتتى ءوتتى.
ءىت-بىلىمگە بەيىمدەلگەن ادامي كاپيتالدى دامىتۋ جۇيەسى – مينيسترلىك قىزمەتىندەگى ماڭىزدى باعىتتاردىڭ بىرىنە اينالدى. ء«ىت-فاكۋلتەتتەردى ءىت-كومپانيالاردىڭ قامقورلىعىنا بەرۋ, «ۆيرتۋالدى مۇعالىم» جوباسىن ەنگىزۋ جۇمىستارى جۇرگىزىلىپ جاتىر, 300 مىڭ مامان وقىتىلدى. ءىت-ماماندىق بويىنشا ءبىلىم الۋعا 100 ۆاۋچەر ءبولىندى, ءار ۆاۋچەردىڭ قۇنى – 600 مىڭ تەڭگە. 2025 جىلعا قاراي 20 مىڭ ۆاۋچەر بەرۋ جوسپارلانعان», دەدى مەيىربەك مۇقاتوۆ.
گەودەزيا جانە كارتوگرافيا سالاسىندا دا قوماقتى جۇمىس اتقارىلدى. قازىرگى ۋاقىتتا قازاقستان تەرريتورياسى 100 پايىزعا تسيفرلانعان – 272 ملن گا جەر رەسۋرسى, سونىڭ ىشىندە 22 ملن گا ەگىستىك; 127,7 ملن گا جايىلىمدىق جەر (68%); 18,6 ملن گا ورماندى القاپ.
جەردىڭ تسيفرلىق نۇسقاسىن جاساۋ بارىسىندا 1,1 ملن گا جايىلىمدىق جەر مەن 19,6 ملن گا ەگىندىك يگەرۋسىز جاتقاندىعى, سونداي-اق 2 641 اعاش كەسۋ پوليگونى, 6,5 ملن گا ورتەنگەن جەر, 7,3 مىڭ زاڭسىز قوقىس ورنى, كەڭ تارالعان پايدالى قازبالاردى زاڭسىز ءوندىرۋ بويىنشا 21 وقيعا, جەردى زاڭسىز يەلەنۋ بويىنشا 391 مىڭ وقيعا انىقتالعان.
