ۆەدومستۆودا ناقتىلاعانداي, 20 ماۋسىمدا ساعات 10:45-تە «101» پۋلتىنە ساتپاەۆ كوشەسى, 22/3 ءۇي مەكەنجايى بويىنشا ءورت تۋرالى حابارلاما كەلىپ ءتۇستى. جالىن 18 ش.م دەيىن شارپىعان. پاتەردەگى جيھاز, پلاستيكالىق تەرەزەلەر, ءۇي زاتتارى ورتەنىپ كەتكەن.
«بەسىنشى قاباتتان №2 مامانداندىرىلعان ءورت ءسوندىرۋ ءبولىمىنىڭ اعا ينجەنەرى دارحان ءتۇسىپوۆ پاتەردەن 2013 جىلى تۋعان ۇل بالانى جانە №2 مامانداندىرىلعان ءورت ءسوندىرۋ ءبولىمىنىڭ ءورت ءسوندىرۋشىسى ەربولات تولەۋتاەۆ 2014 جىلى تۋعان قىزدى قۇتقارىپ, الىپ شىقتى», دەلىنگەن وبلىسىتق تجد حابارلاماسىندا.
دەپارتامەنت حابارلاعانداي, ءورت سوندىرۋشىلەر ءتورت ادامدى, سونىڭ ىشىندە ءبىر بالانى ەۆاكۋاتسيالادى.
ء«ورت ءسوندىرۋ بولىمشەلەرى كەلگەنگە دەيىن ساتىلى مارش بويىنشا جەتى ادام, ونىڭ ىشىندە ءبىر بالا ءوز بەتىنشە ەۆاكۋاتسيالاندى. ءورت ساعات 11:20-دا تولىق ءسوندىرىلدى», دەپ قوستى ۆەدومستۆودان.
ءورتتى سوندىرۋگە پاۆلودار وبلىسى تجد, «102», «103» قىزمەتتەرىنىڭ جەكە قۇرامىنان 14 ادام جانە 4 تەحنيكا جۇمىلدىرىلدى.
وبلىستىق تجد ءباسپاسوز قىزمەتىنىڭ حابارلاۋىنشا, زارداپ شەككەندەر مەن قازا تاپقاندار جوق. ءورتتىڭ شىعۋ سەبەبى انىقتالۋدا.
