وندىرىسكە كاسىبي كادرلار قاجەت

ەڭ اۋەلى اقپاراتتىق تەحنولوگيالار كوللەدجىندە جەرگىلىكتى كاسىپورىنداردىڭ باسشىلارى جانە كوللەدج ديرەكتورلارىنىڭ قاتىسۋىمەن «وندىرىسكە ارنال­عان كادرلار. ۇسىنىس پەن سۇرا­نىس» اتتى دوڭگەلەك ۇستەل ۇيىم­داس­تىرىلدى.

جيىندا وبلىس اكىمى ابىل­قايىر سقاقوۆ وڭىردەگى ەڭبەك نا­رى­عىنا قاجەتتى مامانداردى دايار­لاۋ بويىنشا جۇرگىزىلىپ جات­قان جۇمىس تۋرالى ايتىپ بەر­دى. سوڭعى ەكى جىل ىشىندە تەح­نيكالىق جانە كاسىبي ءبىلىم بەرۋ جۇيەسىن قارجىلاندىرۋ 25 ملن تەڭگەدەن 0,5 ملرد تەڭگەگە دەيىن وسكەن. «دۋالدى وقىتۋ بو­­يىنشا قولداۋ كورسەتەتىن ءىرى كاسىپورىنداردىڭ دەمەۋشىلىك كو­مەگى دە اسا ماڭىزدى. ءبىز بۇل جۇ­مىسقا ورتا جانە شاعىن بيزنەس وكىلدەرىن دە تارتىپ وتىرمىز», دەدى ءا.سقاقوۆ.

ا.ايماعامبەتوۆ پاۆلودار وبلىسىندا ءوندىرىس جاقسى دامى­عانىن, كوپتەگەن ءىرى كاسىپورىن تىركەلگەنىن ايتا كەلە, كاسىبي ءبىلىم بەرۋ باعىتىنداعى جۇمىستى جانداندىرۋدى ەسكە سالدى.

– بۇگىندە كوللەدج باسشىلارى جۇمىس بەرۋشىلەرمەن بىرلەسىپ, ءبىلىم بەرۋ باعدارلامالارىنىڭ مازمۇنىن دەربەس ايقىنداۋعا كىرىستى. بۇل شارالار وندىرىستەگى تەح­نولوگيالىق وزگەرىستەرگە جانە ەڭبەك نارىعىنىڭ سۇرانىس­تا­رىنا بەيىمدەلۋگە مۇمكىندىك بەرەدى. سايكەسىنشە, تەحنيكالىق جانە كاسىپتىك ءبىلىم بەرۋ جۇيە­سى جۇمىس بەرۋشىلەردىڭ تالاپتارىنا ساي كەلەتىن مامانداردى دايارلايتىن بولادى, – دەدى ا.ايماعامبەتوۆ.

بۇدان كەيىن اقپاراتتىق تەحنولوگيالار كوللەدجىنىڭ ديرەكتورى سەرىك جارتىباەۆ ءبىلىم ور­داسىنداعى جاڭعىرتىلعان وقۋ كابينەتتەرى, 3-D مودەلدەۋ, روبوت جانە ەلەكتر تەحني­كا­سى, جە­لىلىك اكىمشىلەۋ, گرافي­كا­لىق جانە ۆەب-ديزاين زەرتحانا­لا­رى­نىڭ اشىلۋى تۋرالى ايتىپ بەردى.

– كوللەدجدە اشىلعان بيزنەس-ينكۋباتوردا جۇزدەن اسا تابىستى ستارتاپ جوبالار قۇراستىرىلدى. ءبىز مicrosoft جانە Festo سياقتى حالىقارالىق كومپانيالارمەن, ءىt-hub اكادەمياسىمەن جانە سكول­كوۆو عىلىم جانە تەحنولوگيالار ينستيتۋتىمەن ارىپتەستىك ورناتتىق, – دەدى س.جارتىباەۆ.

وبلىس اكىمدىگىنىڭ قولداۋى­مەن ءىت-كوللەدج بازاسىندا وڭىر­لىك «Tandau» ونلاين-پلاتفورماسى قۇرىلعانىن اتاپ وتكەن ءجون. ون ءتورت جاسقا تولعان كەز كەل­گەن تۇرعىن پلاتفورمادا تىر­كەلىپ, ءوزىنىڭ بىلىكتىلىگىنە قا­راي جۇمىس تابا الادى. جۇمىس بە­رۋشىلەر جاڭا جۇيەنىڭ كومە­گىمەن وزدەرىنە قاجەتتى قىزمەتكەرلەرگە تاپسىرىس بەرىپ, جۇمىسكەرلەردى قايتا دايارلاۋعا ءوتىنىش قالدى­رادى.

ايتپاقشى, ءىت ءبىلىم بەرۋ جۇيە­سىن دامىتۋ تورايعىروۆ ۋني­ۆەر­سيتەتىندە دە قولعا الىن­عان. ونداعى ءىت-مەكتەپكە كەز كەلگەن ادام جازىلىپ, قىسقا مەرزىمدى باع­دارلامالاۋ كۋرستارىنان وتە الادى. سونداي-اق ۋنيۆەرسيتەتتە بىلىكتى IT-مامانداردى دايارلاۋدى ماقسات ەتكەن Computer Science فاكۋلتەتى اشىلعان. «مەملەكەت باسشىسى قازاقستان حالقىنا جول­داۋىندا ءجۇز مىڭنان كەم ەمەس ءىت-ماماندى دايارلاۋ تۋرالى تاپسىرما بەرگەن ەدى. جاقىن ارادا وڭىردە وسى سالادا سۇرانىسقا يە

5 مىڭ مامان ازىرلەۋ جوسپاردا بار», دەدى وبلىس اكىمى ءا.سقاقوۆ.

پاۆلودار وبلىسى