ناريمان تابىنباەۆ الماتى قالاسىنىڭ قوعامدىق دەنساۋلىق ساقتاۋ باسقارماسىن 2020 جىلدىڭ جەلتوقسان ايىنان باستاپ باسقارىپ كەلگەن.
ول 1961 جىلى 23 اقپاندا تۋعان. الماتى مەملەكەتتىك مەديتسينا ينستيتۋتىن, قازاق ينجەنەرلىك-تەحنيكالىق اكادەميانى تامامداعان. پروفەسسور, مەديتسينا عىلىمدارىنىڭ دوكتورى.
ءوز ەڭبەك جولىن 1985 جىلى قىزىلوردا وبلىسىنىڭ ورتالىق اۋداندىق اۋرۋحاناسىندا بالالار حيرۋرگى بولىپ باستاعان.
1988-1994 جىلدارى ەندوسكوپيا ءبولىمىنىڭ مەڭگەرۋشىسى, قىزىلوردا قالاسىنداعى وبلىستىق اۋرۋحانا باس دارىگەرىنىڭ دياگنوستيكالىق ورتالىعى بويىنشا ورىنباسارى بولىپ جۇمىس ىستەگەن.
1994-1997 جىلدارى الماتى وبلىسىنىڭ ورتالىق اۋداندىق اۋرۋحاناسى باس دارىگەرىنىڭ ەمدەۋ جۇمىسى جونىندەگى ورىنباسارى بولعان.
1997-2002 جىلدارى ۋرولوگيا عىلىمي ورتالىعىندا عىلىمي قىزمەتكەر, اعا عىلىمي قىزمەتكەر, ءبولىم مەڭگەرۋشىسى, باس دارىگەر بولىپ قىزمەت اتقارعان.
2008-2014 جىلدارى قىزىلوردا قالاسىنداعى وبلىستىق مەديتسينالىق ورتالىقتىڭ ديرەكتورى, ۋرولوگيا عىلىمي ورتالىعىنىڭ ديرەكتورى قىزمەتتەرىن اتقاردى.
2014-2015 جىلدارى نۇر-سۇلتان قالاسىنداعى «ۇلتتىق مەديتسينالىق حولدينگ» اق باسقارما توراعاسىنىڭ ورىنباسارى بولدى.
2015-2018 جىلدارى استاناداعى ۇلتتىق عىلىمي ونكولوگيا جانە ترانسپلانتولوگيا ورتالىعىنىڭ ديرەكتورى بولىپ جۇمىس ىستەدى.
2019-2020 جىلدارى Fox Chase Cancer Center (Philadelphia, اقش), University of Minnesota (Minneapolis, اقش) تاعىلىمدامادان وتكەن.
2018-2020 جىلدارى قالالىق قوعامدىق دەنساۋلىق ساقتاۋ باسقارماسى «ورتالىق قالالىق كلينيكالىق اۋرۋحاناسى» شجق مكك ديرەكتورى قىزمەتىن اتقاردى.
