كەزدەسۋ بارىسىندا مۇحتار قۇل-مۇحاممەد قازاقستان سولتۇستىك ماكەدونيانى بالقان وڭىرىندەگى ماڭىزدى ساياسي ارىپتەس جانە دوس ەل رەتىندە قاراستىراتىنىن اتاپ ءوتتى.
«بۇگىنگى تاڭدا ءبىزدىڭ مەملەكەتتەرىمىزدە ساياسي نەمەسە وزگە دە قانداي دا ءبىر كەلىسپەۋشىلىكتەر جوق, بۇل ەكىجاقتى ءوزارا ءىس-قيمىلعا قارقىن بەرۋگە قولايلى العىشارتتار جاسايدى. قازاقستان ساياسي ديالوگتى دامىتۋعا, سولتۇستىك ماكەدونيامەن ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى ارتتىرۋعا مۇددەلى, سونداي-اق سكوپەنىڭ ورتالىق ازيا مەن ەۋرازيالىق ەكونوميكالىق وداقتا سەنىمدى سەرىكتەسى بولۋعا دايىن», دەدى مۇحتار قۇل-مۇحاممەد.
سالي ليماني ءوز كەزەگىندە مۇحتار قۇل-مۇحاممەدكە جانە پارلامەنت سەناتىنىڭ باسشىلىعىنا قابىلداعانى جانە ەلدەر اراسىنداعى ەكىجاقتى ىنتىماقتاستىق ماسەلەلەرىن تالقىلاۋعا مۇمكىندىك بەرگەنى ءۇشىن العىس ايتتى.
تاراپتار قازاقستان مەن سولتۇستىك ماكەدونيانىڭ ەكىجاقتى قارىم-قاتىناستارى مەن حالىقارالىق ساياساتتىڭ ەڭ وزەكتى ماسەلەلەرى بويىنشا ورتاق ۇستانىمدارىن تالقىلادى. نەگىزگى سىرتقى ساياسي باسىمدىقتاردىڭ ۇقساستىعى, الەمدە بولىپ جاتقان ىرگەلى پروتسەستەردىڭ بەلسەندى قاتىسۋشىلارى بولۋعا دەگەن ۇمتىلىس قازاقستان-ماكەدونيا قاتىناستارىن ارىپتەستىكتىڭ ساپالى جاڭا دەڭگەيىنە شىعارۋعا جاقسى نەگىز بولاتىنى اتاپ ءوتىلدى.
