شقو پوليتسيا دەپارتامەنتىنىڭ ءباسپاسوز قىزمەتى حابارلاعانداي, جول-كولىك وقيعاسى 19 ماۋسىم كۇنى تاڭعى 04:50-دە بولعان.
«الاكول-سەمەي» باعىتىندا تۇراقتى قاتىنايتىن «Setra-S» ماركالى اۆتوبۋس جارما اۋدانىنىڭ تۇسىنداعى جولدا سەمەي قالاسىنا قاراي بارا جاتقان. 56 جاستاعى جۇرگىزۋشى كولىك تىزگىنىنە يە بولا الماي, اۆتوبۋس جولدان شىعىپ, اۋدارىلىپ كەتكەن. جول اپاتى سالدارىنان ەكىنشى جۇرگىزۋشى مەن 13 جولاۋشى ءتۇرلى دەنە جاراقاتتارىن الدى», دەلىنگەن اقپاراتتا.
ولاردىڭ بارلىعىنا العاشقى كومەك كورسەتىلدى. ال قوعامدىق كولىك جۇرگىزۋشىسى اۋرۋحاناعا جەتكىزىلدى.
قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 345-بابى 2-بولىگىمەن سوتقا دەيىنگى تەرگەۋ امالدارى باستالىپ, سوت-مەديتسينالىق ساراپتاما تاعايىندالدى.
