وسى ماسەلە بويىنشا نەگىزگى باياندامانى قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ جاسادى.
2021 جىلى ءجىو ءوسىمى 4%-دى قۇرادى. ەكونوميكانىڭ بارلىق بازالىق سالالارىندا وڭ ناتيجەگە قول جەتكىزىلدى. ونەركاسىپ ءوندىرىسىنىڭ كولەمى 3,8%-عا, قۇرىلىس سالاسى – 7,6%-عا, كولىك - 3,6%-عا, ساۋدا-9,2%-عا ءوستى. نەگىزگى كاپيتالعا سالىنعان ينۆەستيتسيالار كولەمى 3,5%-عا ۇلعايدى. ينفلياتسيا دەڭگەيى 8,4%-دى قۇرادى (نىسانالى ءدالىز 4-6%-دان استى). جۇمىسسىزدىق 4,9% دەڭگەيىندە ساقتالدى.
ەرۇلان جاماۋباەۆتىڭ ايتۋىنشا, رەسپۋبليكالىق بيۋدجەتتىڭ نەگىزگى پارامەترلەرى ورىندالدى. تۇسىمدەر 100,8% ورىنداۋمەن 12,7 ترلن تەڭگەنى قۇرادى. شىعىستار 99,2%-عا يگەرىلدى جانە 15,2 ترلن تەڭگەنى قۇرادى. بيۋدجەت تاپشىلىعى ءجىو-گە قاتىستى 3,1%-دى قۇرادى.
«جالپى, مەملەكەت ءوزىنىڭ الەۋمەتتىك جانە باسقا دا مىندەتتەمەلەرىن تولىق كولەمدە ورىندادى», دەدى ەرۇلان جاماۋباەۆ.
