«قازىر جەكەشەلەندىرۋدىڭ 2021-2025 جىلدارعا ارنالعان كەشەندى جوسپارى بويىنشا جۇمىستار جۇرگىزىلىپ جاتىر. بۇل رەتتە حالىقتىڭ ءومىر ءسۇرۋىن قامتاماسىز ەتەتىن جانە تابيعي مونوپوليالار سۋبەكتىلەرىنە جاتاتىن وبەكتىلەردى الىپ تاستاۋ قاراستىرىلادى. مەملەكەت باسشىسىنىڭ تاپسىرماسىن ورىنداۋ ماقساتىندا جەكەشەلەندىرۋگە جاتاتىن وبەكتىلەر تىزىمىنە ەنگىزۋ ءۇشىن بىرقاتار باستى كريتەري بەكىتىلدى», دەدى ە. جاماۋباەۆ.
ونىڭ ايتۋىنشا, بۇل جەردە نەگىزگى ماقسات – مەملەكەت ۇلەسىن ازايتا وتىرىپ, كاسىپكەرلىكتى دامىتۋ جانە جەكەشەلەندىرۋدەن قوماقتى قاراجات ءتۇسىرۋ.
«كۆازيمەملەكەتتىك سەكتور سۋبەكتىلەرىنىڭ اكتيۆتەرىن باسقارۋعا كەلسەك, ۇكىمەت قازىر ونى رەفورمالاۋ, ونىڭ ىشىندە ديۆيدەندتىك ساياساتتى قايتا قاراۋ بويىنشا تاسىلدەر ازىرلەپ جاتىر», دەدى ۇكىمەت باسشىسىنىڭ ورىنباسارى.
