«2021 جىل مەملەكەتتىك جوسپارلاۋ جۇيەسىنىڭ وزگەرۋىمەن ەستە قالدى. مەملەكەتتىك باعدارلامالاردان ۇلتتىق جوبالارعا كوشتىك. بىلتىر كۇزدەن باستاپ ۇكىمەت 10 ۇلتتىق جوبانى ىسكە اسىرۋعا كىرىستى. ونىڭ بارىندە بيۋدجەتتىك قارجىلاندىرۋعا باسىمدىق بەرىلدى. وكىنىشكە قاراي, ول جوسپار ورىندالمادى. جوبالاردىڭ 43 پايىزى جەتكىلىكتى قارجىلاندىرىلعان جوق. ال ەڭ نەگىزگى ماسەلەلەردى ءتيىمدى شەشۋ ءۇشىن تولىق كولەمدە قارجىلاندىرۋ قاجەت. سوندىقتان ۇلتتىق جوبالاردى تۇزەتىپ, قارجىلىق مۇمكىندىكتەرگە سايكەستەندىرۋ كەرەك. بىلۋىمىزشە, ۇكىمەت بۇل جۇمىستى باستاپ تا كەتتى», دەدى ناتاليا گودۋنوۆا پارلامەنتتىڭ بىرلەسكەن وتىرىسىندا.
سونداي-اق ول ۇلتتىق جوبالاردىڭ يگىلىگىن حالىققا قالاي جىلدام جەتكىزۋگە بولاتىنىن اتادى.
«ۇلتتىق جوبالار ىسكە اسۋى مۇمكىندىگىنشە قىسقا مەرزىمگە مەجەلەنۋى كەرەك. سوندا عانا وندا قاراستىرىلعان شارالار بيزنەس پەن حالىققا جىلدام جەتەدى. تيپتىك شەشىمدەردەن بولەك, بۇكىل ەل اۋماعىندا ايماقتارعا بايلانىستى الەۋمەتتىك جانە اكىمشىلىك نىسانداردىڭ 1 شارشى مەترىن سالۋعا كەتەتىن شىعىننىڭ ءليميتىن بەكىتۋ قاجەت. بۇل بولىنگەن اقشاعا كوبىرەك نىسان سالۋعا مۇمكىندىك بەرەدى», دەدى ەسەپ كوميتەتىتىڭ باسشىسى.
