«قاڭتار وقيعاسى ەلىمىزدەگى احۋالدى مۇلدە وزگەرتتى. بولاشاق تاعدىرىمىزدى ايقىندايتىن جاڭا قۇندىلىقتاردىڭ قاجەتتىگى تۋىندادى. پرەزيدەنت قاسىم-جومارت كەمەل ۇلى توقاەۆ وسى ۇردىستەر مەن ىقتيمال قاتەرلەردى ەسكەرە وتىرىپ, بيىلعى جولداۋىندا ازاماتتىق ورتا مەن ساياسي جۇيەنى وزگەرتۋگە باعىتتالعان بىرقاتار ماڭىزدى شارانىڭ جاڭا پاكەتىن ۇسىندى. مەملەكەت باسشىسىنىڭ جولداۋدا ايتىلعان باستامالارى بۇكىل سالانى دەموكراتيالاندىرۋدى تالاپ ەتتى. قويىلعان ماقساتتار كونستيتۋتسياناليزمدى ودان ءارى نىعايتۋعا باعىتتالدى», دەدى كونستيتۋتسيالىق كەڭەس توراعاسى.
ونىڭ ايتۋىنشا, وسى اتالعان فاكتوردىڭ مىندەتتەرگە جەتۋى ءۇشىن كونستيتۋتسيالىق رەفورما كەرەك بولعان.
«زامان مەن قوعام وزگەرىپ جاتقان ۋاقىتتا نەگىزگى زاڭىمىز دا جاڭارۋدى كەرەك ەتتى. ياعني قولدانىستاعى كونستيتۋتسيانى وزگەرتۋ قاجەتتىلىگى تۋىندادى», دەدى قايرات ءمامي.
ايتا كەتەيىك, پارلامەنتتىڭ بۇگىنگى بىرلەسكەن وتىرىسىنا سەنات توراعاسى ماۋلەن اشىمباەۆ, ءماجىلىس توراعاسى ەرلان قوشانوۆ, ۇكىمەت باسشىسى ءاليحان سمايىلوۆ, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ناتاليا گودۋنوۆا, ۇكىمەت مۇشەلەرى قاتىسىپ جاتىر.
