بيىل وبلىستاعى «ۇزدىك ستاتسيونار ۇزدىك دارىگەرى» اتالىمى بويىنشا وزىپ شىققان الماتى ايماقتىق بالالار كلينيكالىق اۋرۋحاناسىنىڭ دارىگەرى راميل قاراساەۆ وبلىس اكىمىنىڭ قولىنان ارنايى ديپلوم جانە 7 ملن تەڭگەنىڭ سەرتيفيكاتىن الدى. ال ىلە ورتالىق اۋداندىق اۋرۋحاناسىنىڭ الەۋمەتتىك قىزمەتكەرى جۇلدىز قۇلمانوۆا «ۇزدىك الەۋمەتتىك قىزمەتكەر» اتانىپ, وعان 1 ملن تەڭگەنىڭ سەرتيفيكاتى بەرىلدى. سونداي-اق وسى ىلە اۋدانىنداعى كازتسيك اۋىلىنىڭ دارىگەرلىك امبۋلاتورياسى «ۇزدىك دارىگەرلىك امبۋلاتوريا» رەتىندە انىقتالىپ, بولىمشەنىڭ مەڭگەرۋشىسى تولقىن ساداقباەۆاعا ارنايى ديپلوم جانە 1 ملن 800 مىڭ تەڭگەنىن سەرتيفيكاتى تاپسىرىلدى.
جيىندا ايماقتاعى اق جەلەڭدى ابزال جانداردىڭ تاعى ءبىر توبىنا دەنساۋلىق ساقتاۋ مينيسترلىگىنىڭ «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسى, «ەڭبەك ارداگەرى» مەدالى, الماتى وبلىسى اكىمىنىڭ قۇرمەت گراموتاسى, العىس حاتى بەرىلىپ, قۇرمەت كورسەتىلدى.
– ادام جانىنا اراشاشى بولۋدىڭ جاۋاپكەرشىلىگى مەن ماڭىزىن قوعام ارقاشان جوعارى باعالايدى. دارىگەرگە دەگەن قۇرمەت ەشقاشان ورتايمايدى. مەديتسينا قىزمەتكەرلەرىنىڭ پاندەميا كەزىندەگى ەرلىككە بەرگىسىز ەڭبەگىنە باس يەمىز. سوندىقتان دا, كاسىبي مەرەكە قارساڭىندا مەديتسينا قىزمەتكەرلەرىن قۇتتىقتاپ, ۇزدىك دارىگەرلەرگە ارنايى ماراپات تاپسىرۋدى پارىزىمىز دەپ بىلەمىز. مەملەكەت ءوز تاراپىنان مەديتسينا سالاسىن قولداۋدىڭ وزىق ۇلگىسىن كورسەتىپ كەلەدى. بۇل رەتتە الماتى وبلىسىندا دا ايتارلىقتاي جۇمىس ىستەلۋدە, – دەدى جيىندا وبلىس اكىمى مارات سۇلتانعازيەۆ.
الماتى وبلىسى
