«2025 جىلعا دەيىن حالىقتىڭ تابىسىن ارتتىرۋ باعدارلاماسى حالىقتىڭ كىرىسىنە تىكەلەي اسەر ەتەتىن بارلىق سەبەپ پەن فاكتورلاردى ساراپتاۋدى ەسكەرە وتىرىپ ازىرلەندى. ايتالىق, ەڭبەك نارىعىنا, سونىمەن قاتار كەدەيشىلىك پەن جۇمىسسىزدىق دەڭگەيى بويىنشا ناقتى احۋالعا, حالىقتىڭ كىرىسى مەن شىعىسىنىڭ قۇرىلىمىنا ساراپتاما جۇرگىزىلدى. ساراپتاما ناتيجەسى كورسەتكەن وڭ ديناميكاعا قاراماستان, حالىقتىڭ شىنايى كىرىسىنىڭ ءوسىم قارقىنى 2019 جىلعى 6,4%-دان 2021 جىلى 5,1%-عا دەيىن باياۋلادى», دەلىنگەن ۇكىمەت باسشىسىنىڭ جاۋابىندا.
پرەمەر-ءمينيستردىڭ بۇنى 2020 جىلى ەكونوميكا ءوسىمى قارقىنىنىڭ 2,5%-عا تومەندەۋىمەن جانە ينفلياتسيالىق قىسىمنىڭ (2020 جىلى – 7,5%, 2021 جىلى – 8,4%) جوعارى بولۋىمەن بايلانىستىرادى.
«ورتاشا جانە مەدياندىق جالاقى اراسىنداعى تەڭسىزدىكتىڭ ءوسۋى جانە ايىرماشىلىقتىڭ 1,5 ەسەگە ارتۋى (ەىدۇ ەلدەرىندەگى ايىرماشىلىق 1,13 ەسە) بايقالادى. حالىق كىرىسىن اركەلكى ءبولۋ تەندەنتسياسى انىقتالدى. حالىقتىڭ جۇمىس ىستەپ تاباتىن تابىسىنىڭ ۇلەسى سوڭعى 10 جىلدا 10,6%-دىق تارماققا (2010 جىلعى 71,3%-دان 2021 جىلى 60,7%-عا دەيىن) تومەندەگەن. ءوز كەزەگىندە, الەۋمەتتىك ترانسفەرتتەر ۇلەسى 10%-دىق تارماققا (2010 جىلعى 15,3%-دان 2021 جىلدىڭ 3-توقسانىندا 25,3%-عا دەيىن) ءوستى», دەپ تۇيىندەدى ءاليحان سمايىلوۆ.
