جوبا دا, جوسپار دا كوپ

ەكىباستۇز قالالىق كوممۋنالدىق شا­رۋا­شىلىق  ءبولىمىنىڭ حابارىنا قاراعاندا, وتكەن جىلى “جول كارتاسى” باعدارلاماسى بويىنشا قالاىشىلىك جولداردى جوندەۋگە 800 ميلليون تەڭگە قارجى بولىنگەن. توزعان ليفتىلەر ىسكە قوسىلىپ, ەسكىرگەن پودەزدەر جاڭارىپ قالدى. بۇل ماقسات جەرگىلىكتى اكىم­دىكتىڭ جىل بويىنا قابىلداعان باعدار­لا­مالارى  مەن ارنايى كەشەندى ءىس-شارا­لا­رىنىڭ ناتيجەسى دەپ باعالاندى. بۇدان ارى قاراي اتقارىلعان كوپتەگەن جۇمىستار­دىڭ تىزبەسى ەلىمىزدە جۇرگىزىلگەن “جول كار­تا­سى” باعدارلاماسىنا وراي جالعاسىن تاپتى. كەنشىلەر قالاسىندا, ءوندىرىستى ءوڭىر بولعاندىقتان, جۇمىس از ەمەس. جۇزەگە اسى­رىلاتىن جوبا دا, جوسپار دا كوپ. قالالىق كاسىپكەرلىك ءبولىمىنىڭ حابارىنا قاراعاندا, ءبىر عانا “جول كارتاسى” باعدارلاماسى بوي­ىن­شا  قالا مەن اۋىلداردا 79 الەۋمەتتىك سالا مەكەمەلەرى ىسكە قوسىلىپ, وسى ءىس با­رى­سىندا 2,5 مىڭ جاڭا جۇمىس ورنىن قۇ­رۋعا  مۇمكىندىك تۋسا, 2449 جۇمىسسىز  71 كا­سىپورىنعا  الەۋمەتتىك جۇمىس ورنىنا جۇ­مىسقا تۇرىپتى. قالا اكىمدىگى “جول كارتاسى” مەملەكەتتىك باعدارلاماسىن ىسكە اسىرۋ ماقساتىندا, ەڭ باستىسى, تۇرعىن ءۇي-كوممۋنالدىق شارۋاشىلىق سالاسىنا باسا نازار اۋداردى. قالاعا قاراستى اۋىلدىق اۋماقتاردى سۋمەن قامتاماسىز ەتۋ قايتا جاڭعىرتىلسا, بۇل ءۇشىن رەسپۋبليكالىق جانە جەرگىلىكتى بيۋدجەتتەن 1 ملرد. 861 ميلليون تەڭگە, سونىڭ ىشىندە “جول كارتا­سى” بويىنشا 955 ميلليون تەڭگە ءبولىندى. ۇزىندىعى 20,8 شاقىرىم بولاتىن سۋ-ارنا  جەلىلەرىن پايدالاناتىن 10 مەكەمە,  146 كوپ قاباتتى تۇرعىن ءۇيدىڭ    ىستىق جانە سۋىق سۋمەن جابدىقتاۋ جۇيەلەرى جوندەلدى. سونىمەن قاتار, 18,8 شاقىرىم بولاتىن اۋداندىق ماڭىزى بار گرەس-1 – ءتورتۇي–تاي اۋىلدارى ارالىعى,  گرەس-1–باس­قا­مىس اۋىلى  جولدارىنا  جوندەۋ  جۇرگىزىلدى. قالانىڭ جەلەزنودوروجنايا, ءا.مارعۇلان, ەنەرگەتيكتەر, س.تورايعىروۆ, د.قوناەۆ اتىنداعى كوشەلەرى جوندەلدى. وتكەن جىلى 63 ليفتىگە كۇردەلى جوندەۋ جۇرگىزىلدى, 12 ليفت جاڭادان قۇرىلدى. بوس قالعان  23 ءۇيدىڭ 3-ءۋى قايتا قالپىنا كەلتىرىلىپ,  پاي­دالانۋعا بەرىلدى. ال,  قازىرگى تاڭدا “بيسەت ي ك” سەرىكتەستىگى ەنەرگەتيكتەر كوشەسى №36 ۇيدەگى توعىز قاباتتى ءۇيدى قالپىنا كەلتىرۋدە. بيىلعى جىلى “جول قارتاسى” باعدارلاماسى اياسىندا 3 مەكتەپكە 70,0 ميلليون تەڭگەگە كۇردەلى جوندەۋ جۇرگىزى­لە­تىن بولسا, 295, 8 ميلليون تەڭگەگە  قالانىڭ ۇزىندىعى 4,8 شاقىرىم بولاتىن شەتكەرى كوشەلەرىن جانە سۋ-كارىزدىك جەلىلەرىن جوندەۋ جۇمىستارى ارى قاراي جالعاسادى. فاريدا بىقاي, پاۆلودار وبلىسى.