جارىستىڭ ءبىرىنشى راكەتكالارى بولىپ تىركەلگەن ا.دانيلينا مەن رەسەيلىك اناستاسيا تيحونوۆا شيرەك فينالدا بولگاريالىقتار الەكسا جانە ليا كاراتانچەۆالارمەن شەبەرلىك بايقاستى. قازاقستاندىق-رەسەيلىك جۇپ قارسىلاستارىن 6:3, 6:1 ەسەبىمەن تىزە بۇكتىردى. باسەكە ءبىر ساعاتتان ءسال استام ۋاقىتقا سوزىلدى. ا.دانيلينا مەن ا.تيحونوۆا فينالعا شىعۋ ءۇشىن دودانىڭ 4-راكەتكالارى, ماجارستاندىق تيمەيا بابوش – رەسەيلىك ۆالەريا ساۆينىحپەن وينايدى.
سونداي-اق, گريگوري لوماكين جۇپتىق سىندا بلۋا (فرانتسيا) چەللەندجەر ءتۋرنيرىنىڭ شيرەك فينالىنا شىقتى. لوماكين ۋكراينالىق ۆلاديسلاۆ مانافوۆپەن بىرگە باستاپقى كەزدەسۋىن وسى جارىستىڭ ءبىرىنشى راكەتكالارى, اۋستريالىق الەكساندر ەرلەر – فرانتسيالىق البانو وليۆەتتيمەن وتكىزدى. قازاقستاندىق-ۋكراينالىق جۇپ ەكى ساعاتقا جۋىق ۋاقىتقا سوزىلعان ماتچتا 7:6 (7:5), 6:7 (4:7), 10:5 ەسەبىمەن جەڭىسكە جەتتى. گ.لوماكين مەن ۆ.مانافوۆ جارتىلاي فينالعا شىعۋ ءۇشىن ۇندىستاندىقتار شريرامبالاي ناراياناسۆامي – دجيۆان نەدۋنچەجيانمەن كەزدەسەدى.
ايانا توعانبەك
