«مەملەكەتتىك رامىزدەرىمىزگە, انا تىلىمىزگە دەگەن قۇرمەت ارقاشان جوعارى بولۋى ءتيىس. قازاق تىلىنە قاتىستى الاڭداۋشىلىق ەلدەگى جاعدايدى دۇرىس تۇسىنبەگەننەن تۋىنداپ وتىر. شىن مانىندە, بۇرىنعى احۋال مەن قازىرگى كەزەڭدى مۇلدە سالىستىرۋعا كەلمەيدى. مەملەكەتتىك ءتىلدىڭ تۇعىرى كۇن وتكەن سايىن نىعايىپ كەلەدى. وعان قوسا, الەمنىڭ باستى اقپارات قۇرالدارى قازاقشا شىعىپ جاتىر.
جاقىندا ايگىلى «APPLE» كومپانياسى قازاق ءتىلىن iOS-تىڭ تىلدەر جۇيەسىنە قوستى. الەمنىڭ 40 تىلىندە تارايتىن «NICKELODEوN» تەلەارناسى قازاقشا كورسەتىلە باستادى. جاستاردىڭ باستاماسىمەن «NATIONAL GEOGRAPHIC» جۋرنالى 6 جىلدان بەرى انا تىلىمىزدە جارىق كورۋدە. وسىنداي كوپتەگەن جاعىمدى جاڭالىقتار بار. سوندىقتان, قاتتى الاڭداۋعا نەگىز جوق دەپ ويلايمىن. دەسەك تە, وسى سالاداعى جۇمىسىمىزدى داڭعازا جاساماي, تاباندىلىقپەن جۇرگىزۋىمىز قاجەت.
قازاق مەملەكەتى امان تۇرعاندا, قازاق ءتىلى جاساي بەرەدى. بۇعان ەشقانداي كۇمان بولماۋى كەرەك», دەدى پرەزيدەنت.
ايتا كەتەيىك, بۇگىن ۇلىتاۋدا مەملەكەت باسشىسىنىڭ قاتىسۋىمەن ۇلتتىق قۇرىلتايدىڭ I وتىرىسى ءوتتى.
