وزبەكستان پرەمەر-ءمينيسترى ابدۋللا اريپوۆپەن كەزدەسۋ بارىسىندا ونەركاسىپ كووپەراتسياسى, اۋىل شارۋاشىلىعى مەن ترانزيتتىك-كولىك سەكتورىنداعى ىنتىماقتاستىق, سونداي-اق سۋ رەسۋرستارى سالاسىنداعى ءوزارا ءىس-قيمىل ماسەلەلەرى تالقىلاندى.
2021 جىلدىڭ قورىتىندىسى بويىنشا ەلدەر اراسىنداعى ءوزارا ساۋدا-ساتتىق كولەمىنىڭ 33%-عا ارتىپ, 4,3 ملرد دوللارعا جەتكەنى, ال بيىلعى 4 ايدا تاۋار اينالىمى 24,5%-عا ءوسىپ, 1,4 ملرد دوللار قۇراعانى ايتىلدى.
ء«وزارا ساۋدا كولەمىن 10 ملرد دوللارعا جەتكىزۋ تۋرالى ەكى ەل باسشىلارى قويعان مىندەتتى ىسكە اسىرۋ بىزدەن كەشەندى تاسىلدەردى تالاپ ەتەدى. ول ءۇشىن قازاقستان مەن وزبەكستاننىڭ ەكونوميكالىق الەۋەتى جەتكىلىكتى. وسىنداي تۇراقتى كەزدەسۋلەر قازاق-وزبەك قاتىناسىن جاڭا دەڭگەيگە كوتەرۋگە ىقپال ەتەدى دەپ سانايمىن», دەدى ءاليحان سمايىلوۆ.
قىرعىزستاننىڭ مينيسترلەر كابينەتىنىڭ توراعاسى اقىلبەك جاپاروۆپەن كەزدەسۋ اياسىندا ساۋدا جانە ينۆەستيتسيالار, اگرارلىق سەكتور مەن سۋ-ەنەرگەتيكا سالاسىنداعى ءوزارا ءىس-قيمىلدى ودان ءارى دامىتۋعا قاتىستى ەكىجاقتى ىنتىماقتاستىق ماسەلەلەرى قارالدى.
«قىرعىزستان – وڭىردەگى نەگىزگى ساياسي جانە ەكونوميكالىق ارىپتەستەردىڭ ءبىرى. بۇگىندە ەكى ەل اراسىنداعى ەكىجاقتى بايلانىستار بارلىق سالادا تابىستى دامىپ كەلەدى», دەدى ءاليحان سمايىلوۆ.
كەلىسسوز بارىسىندا ءوزارا ساۋدادا بەلگىلەنگەن ماقساتتارعا قول جەتكىزۋ ءۇشىن كۇش-جىگەردى ارتتىرىپ, وڭ ديناميكانى ساقتاۋ جانە تاۋار اينالىمىن ۇلعايتۋ قاجەتتىگى اتاپ ءوتىلدى.
تاجىكستاننىڭ پرەمەر-ءمينيسترى كوحير راسۋلزودامەن كەزدەسۋ بارىسىندا ساۋدا-ەكونوميكالىق ىنتىماقتاستىق, اوك-تە بىرلەسكەن كاسىپورىندار قۇرۋ, سونداي-اق ونەركاسىپ پەن سۋ سالاسىنداعى ءوزارا ءىس-قيمىل ماسەلەلەرى تالقىلاندى.
ءاليحان سمايىلوۆ قازاقستاننىڭ تاجىكستانمەن ىنتىماقتاستىقتى ودان ءارى جان-جاقتى دامىتۋعا ەرەكشە نازار اۋداراتىنىن اتاپ ءوتتى.
«ەكى ەلدىڭ ۇكىمەتى قويىلعان مىندەتتەردى تابىستى ورىنداپ كەلەدى. بىرلەسكەن شارالاردىڭ ارقاسىندا 2021 جىلى ەكى ەل اراسىنداعى تاۋار اينالىمى 1,5 ەسە ءوسىپ, 1,1 ملرد دوللارعا جەتتى. ەندى الدىمىزدا بۇل كورسەتكىشتى 2 ملرد دوللارعا دەيىن جەتكىزۋ ماقساتى تۇر. ول ءۇشىن بىزدە قاجەتتى رەسۋرستاردىڭ بار ەكەنىنە سەنىمدىمىن», دەدى قر پرەمەر-ءمينيسترى.
ەسكە سالا كەتەيىك, بۇگىن «COVID-تەن تىس جەردە – ورتالىق ازيانى ادىلدىك نەگىزىندە قالپىنا كەلتىرۋ جولىندا» تاقىرىبىنداعى تۇراقتى دامۋ ماقساتتارى بويىنشا ەكىنشى وڭىرلىك سامميت جۇمىسىن باستادى. ءسامميتتى قر ۇكىمەتى ەۋروپالىق وداق پەن ازيا دامۋ بانكىنىڭ قارجىلىق قولداۋىمەن قازاقستانداعى بۇۇ دامۋ باعدارلاماسىمەن ارىپتەستىكتە ۇيىمداستىردى.
