قازاقستان • 16 ماۋسىم، 2022

قازاقستاندا TikTok For Business پلاتفورماسى تانىستىرىلدى

18 رەت كورسەتىلدى

اقپاراتتىق تەحنولوگيالاردان حاباردار وسى زاماننىڭ وقىرمانى TikTok-تىڭ – الەمدە ميللياردتان استام ادام پايدالانىپ وتىرعان شىعارماشىلىق جانە ءوزىن-ءوزى كورسەتۋ، ويىن-ساۋىق جانە جاڭالىقتارعا ارنالعان بەينە-پلاتفورما ەكەندىگىن بىلەدى. وسى TikTok ءبىزدىڭ ەلىمىزدە برەندتەردىڭ شىعارماشىلىق الەۋەتىن اشۋدا جانە ماركەتينگكە قاتىستى كوزقاراستى قايتا قاراستىرا وتىرىپ، TikTok For Business پلاتفورماسىنىڭ تۇساۋىن كەستى، دەپ حابارلايدى Egemen.kz.

سونىمەن بيىل قازاقستانداعى TikTok تومەندەگى باعىتتار بويىنشا ستراتەگيالىق كۇش-جىگەرىن جۇمساۋدى جوسپارلاپ وتىر. ماسەلەن، TikTok قازاقستانداعى پلاتفورما كرەاتورلارىن بىرىكتىرۋ جانە وقىتۋ ءۇشىن دارىنداردى دامىتۋ باعدارلاماسىن ىسكە قوسقان.

وعان قوسا پلاتفورماداعى كونتەنتتىڭ الۋان تۇرلىلىگىن ىنتالاندىراتىن الەۋمەتتىك ماڭىزى بار، تانىمدىق جانە مادەني باستامالاردى قۇرۋ ءۇشىن مامىر ايىندا پلاتفورما #تيكتوكقازاقستانداۇيرەن جوباسىن ىسكە اسىردى. ول قازىردىڭ وزىندە اۋديتوريا اراسىندا تانىمال بولدى جانە تانىمدىق بەينەروليكتەردىڭ 35 ميلليوننان استام قارالىمىن جينادى.

قازاقستانداعى بيزنەستىڭ پلاتفورماعا دەگەن ۇلكەن قىزىعۋشىلىعىن كورگەن TikTok جەرگىلىكتى كومپانيالارعا كرەاتيۆتى جانە ءتيىمدى جارناما فورماتتارى مەن قۇرالدارىن مەڭگەرۋگە كومەكتەسە وتىرىپ، قويان-قولتىق جۇمىس ىستەۋدى قولعا الماق. اتاپ ايتقاندا، قازاقستاندا IT-يندۋستريا مەن ەلەكتروندىق كوممەرتسيانىڭ بەلسەندى دامۋىن ەسكەرە وتىرىپ، TikTok For Business وسى يندۋستريالاردىڭ بيزنەسىمەن ىنتىماقتاستىقتى نىعايتۋدى جوسپارلاپ وتىر.

«TikTok for Business پلاتفورماسىنىڭ ءبىر ەرەكشەلىگى – بۇل بيزنەسكە جارنامالىق حابارلامالاردى اۋديتورياعا جەتكىزۋمەن عانا شەكتەلىپ قويمايدى: پايدالانۋشىلارمەن ءبىر تىلدە سويلەسۋ ارقىلى برەندتەر ولاردىڭ سەنىمى مەن سۇيىسپەنشىلىگىنە يە بولا الادى. ءبىز بيزنەسكە ولاردىڭ مىندەتتەرىن بارىنشا ءتيىمدى شەشۋگە مۇمكىندىك بەرەتىن شەشىمدەردى تابۋعا كومەكتەسەمىز. TikTok for Business قۇرالدارىنىڭ كەڭ جيىنتىعى كەز كەلگەن ماقساتقا قول جەتكىزۋگە مۇمكىندىك بەرەدى: جاڭا ءونىمدى نارىققا شىعارۋدان باستاپ ساتىلىمدى ارتتىرۋعا دەيىن. ءبىز قازاقستاندىق كومپانيالارعا TikTok مۇمكىندىكتەرىن اشۋعا جانە بىزبەن سەرىكتەستىكتە ءوز بيزنەسىنىڭ كورسەتكىشتەرىن ارتتىرۋعا كومەكتەسكىمىز كەلەدى»، دەيدى Global Business Solutions، شىعىس ەۋروپاداعى TikTok باس ديرەكتورى اناستاسيا پانينا.

وسى ارادا TikTok For Business ىقپالىنىڭ ارقاسىندا كومپانيالار جارناماعا دەگەن كوزقاراسىن قايتا قاراستىرىپ وتىرعانىن ايتا كەتكەن ءجون. پايدالانۋشىلار ءداستۇرلى جارنامادان جالىققان جانە ۇردىستەردى ۇستاناتىن، شىعاراتىن جانە ەكسپەريمەنت جاساۋدان، شىنايى جانە ەرەكشە بولۋدان قورىقپايتىن كومپانيالاردى باعالايدى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار