وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءاليا بەكەشوۆانىڭ ايتۋىنشا, وڭىردە تاماقتان ۋلانۋ دەرەگى جىل باسىنان بەرى العاش رەت تىركەلگەن.
«كەشە وبلىستىق ينفەكتسيالىق اۋرۋحاناعا 7 ادام ۋلانۋ دياگنوزىمەن تىركەلدى. ال, بۇگىن تاعى 2 جاعداي انىقتالىپ وتىر. وقيعا س. داتوۆ كوشەسىندە ورنالاسقان جەكە مەنشىك «Afisha» دۇڭگىرشەگىندە بولعان. زارداپ شەگۋشىلەر تەز تاعام دايىنداۋ ورنىنان قۇس ەتىنەن جاسالعان دونەر جەگەن. وسى وقيعاعا بايلانىستى اتىراۋ قالالىق پوليتسيا باسقارماسىنىڭ قىزمەتكەرلەرى تەرگەۋ امالدارىن جۇرگىزىپ جاتىر. قازىر ءتيىستى ساراپتامالار تاعايىندالدى. دۇڭگىرشەك جۇمىسىن ۋاقىتشا توقتاتتى. ال, زارداپ شەگۋلەر دارىگەرلەردىڭ ءجىتى قاداعالاۋىنا الىندى», دەدى ءاليا بەكەشوۆا.
دەپارتامەنت باسشىنىڭ ورىنباسارى گۇلناز يرباتىروۆانىڭ ايتۋىنشا, كوكتەم-جاز ايلارىندا جەدەل ىشەك ينفەكتسياسى اۋرۋىنىڭ قاۋپى ارتادى.
«ماكينسك قۇس فابريكاسى» جشس-ءنىڭ برويلەر-بالاپان ەتىنەن ادام ومىرىنە قاۋىپ توندىرەتىن باكتەريولوگيالىق كورسەتكىشى تابىلدى. وسىعان بايلانىستى ءىرى كاسىپكەرلىك سۋبەكتىسى – «مەترو كەش ەند كەرري» جشس-عا جوسپاردان تىس تەكسەرۋ تاعايىندالدى. تەكسەرۋ كەزىندە ءونىم ساپاسىنىڭ تالاپقا سايكەس ەمەستىگى انىقتالىپ, ساتىلىمداعى 1 توننا 597,65 كەلى برويلەر تاۋىق ەتىن جويۋ تۋرالى سانيتارلىق-ەپيدەميولوگيالىق نۇسقاما بەرىلگەن بولاتىن», دەدى باسقارما وكىلدىگى.
