حالىقتىڭ «نۇر وتانعا» سەنىمى جوعارى

حالىقتىڭ «نۇر وتانعا» سەنىمى جوعارى ەكەنىن بايقادىق, دەدى تاجىكستاندىق پارتيا وكىلى ەلورداداعى كەزدەسۋدە

«نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك تاجىكستان حالىقتىق-دەموكراتيالىق پارتياسى توراعاسىنىڭ ورىنباسارى اسرور لاتيپوۆتىڭ قازاقستانعا ساپارى اياسىندا كەزدەستى. وندا پارتياارالىق ءوزارا قارىم-قاتىناستى نىعايتۋ ماسەلەلەرى تال­قىلاندى. ب.بايبەك قازاقستان مەن تاجىك­ستاندى ۋاقىت سىنىنان وتكەن تاتۋ كور­شىلىك بايلانىستىراتىنىن اتاپ ءوتتى. تاۋەلسىزدىككە قول جەتكىزگەن ۋاقىتتان بەرى قوس ەل اراسىنداعى قارىم-قاتىناس دوستىق پەن ارىپتەستىك اۋانىندا دامىپ كەلەدى, دەدى ول. «سىزدەردىڭ ساپارلارىڭىزدىڭ الدىندا عانا استانادا ۇلتارالىق جانە كونفەسسيالار اراسىنداعى كەلىسىمدى نىعايتۋدى كوزدەيتىن قازاقستان حال­قى اسسامبلەياسىنىڭ XXI سەسسياسى بولىپ ءوتتى. پارتيا توراعاسى, ەلبا­سى ن.ءا.نازارباەۆتىڭ ساليقالى ساياسا­تىنىڭ ارقاسىندا قازاقستان بۇگىندە ەل دامۋىنىڭ, «قازاقستان-2050» ستراتەگياسىن جۇزەگە اسىرۋدىڭ باستى شارتى بولىپ تابىلاتىن ەتنوستار اراسىنداعى كەلىسىمنىڭ قالىپتاسقان مودەلىن ماقتان ەتەدى», دەپ اتاپ ءوتتى باۋىرجان بايبەك. ول, سونداي-اق, قازاق­ستاندا ءومىر ءسۇرىپ جاتقان 130 ۇلت­تىڭ ءبىر وكىلى – تاجىك دياسپوراسى بۇگىن­دە بىرلىك, تۇراقتىلىق, دوستىق پەن تو­لەرانتتىلىق باستى قۇندىلىقتار سانالاتىن قازاقستاندىق قوعاممەن بىتە قايناسىپ كەتكەنىن ايتتى. ءوز كەزەگىندە ا. لاتيپوۆ «نۇر وتاندى» 15 جىلدىعىمەن قۇتتىقتاپ, «نۇر وتان» پارتياسىنىڭ  15 جىلدىق جۇمىس تاجىريبەسى مەن قازاقستاندىق ەتنوسارالىق كەلىسىم مەن ۇلتتىق بىرلىك مودەلىمەن تانىسۋعا مۇمكىندىك تۋعان بۇل ساپاردىڭ ماڭىزى زور ەكەنىن جەتكىزدى. «ءبىزدىڭ حالىقتاردى ۇزاق جىلدارعى دوستىق جاقىنداستىرادى. بۇگىن تۇڭعىش پرەزيدەنت نۇرسۇلتان نازارباەۆتىڭ مۇرا­جايىندا بولىپ, حالىق دوستىعى جو­عارى باعالاناتىنىنا تاعى ءبىر ءمار­تە كوز جەتكىزدىك. مەملەكەتتىڭ گۇل­دە­نۋىنە مىقتى جانە بەدەلدى ادام عانا وسىنشا جۇمىس جاساي الادى, ال نۇر­سۇل­تان ءابىش ۇلى ءدال سونداي ادام. ول بۇگىن­دە تەك ايماقتا عانا ەمەس, ودان تىسقارى جەرلەردە دە كوشباسشى رەتىندە تانىلعان», – دەپ اتاپ ءوتتى ا. لاتي­پوۆ. سونداي-اق, ول «نۇر وتاننىڭ» حا­لىق­پەن جۇمىس ىستەۋدە جاڭا تەحنولوگيا­لار­دى قولدانۋ تاجىريبەسى دەلەگاتسيا قۇرا­مىن قىزىقتىرىپ وتىرعانىنا توق­تالدى. «كەز كەلگەن پارتيانىڭ باسىم باعىتتارىنىڭ ءبىرى – حالىققا جاقىن بولۋ, ونىڭ جايلى ءومىر سۇرۋىنە بارلىق جاعداي جاساۋ. بىزدە دە قوعامدىق قابىلداۋ بولمەلەرى جۇمىس ىستەيدى, الايدا, بۇگىنگى كورگەندەرىمىز – ەرەكشە, مۇنداي كەڭ كولەمدەگى شارالاردى ءالى ەش جەردە كەزدەستىرگەن جوقپىز. قوعامدىق قابىلداۋ بولمەلەرىنىڭ جۇمىسىنان حالىقتىڭ سىزدەرگە دەگەن سەنىمى بايقالادى. ەڭ باستىسى, ولار ءوز ماسەلەسىن شەشۋ ءۇشىن سىزدەرگە كەلەدى. شەشىلمەي جاتقان ماسەلەلەر بار, الايدا, ءبىز وسى جەردە ولاردى شەشۋگە بولاتىنىن بايقادىق», – دەگەن ا. لاتيپوۆ «نۇر وتاننىڭ» پارتيالىق جۇمىس مەحانيزمدەرىن تاجىكستاندا ەنگىزۋگە نيەتتى ەكەنىن ايتتى. «ەگەمەن-اقپارات».