«الماتىدا مەملەكەتتىك توڭكەرىسكە, مەملەكەت باسشىسىن لاۋازىمىنان ىعىستىرۋعا تالپىنىس بولدى. ولار ادامداردى اكىمشىلىك عيماراتتارعا باستاپ باردى. وسى وقيعا كەزىندە 3 مىڭنان استام قارۋ ۇرلاندى. ولاردىڭ باسىم بولىگى ءالى كۇنگە دەيىن قولدا ءجۇر. تەرگەۋ جۇمىستارى وڭاي بولىپ جاتقان جوق. سەبەبى وسى وقيعانىڭ ۇيىمداستىرۋشىلارى مەن ۇيلەستىرۋشىلەرى كاسىبي دايىندالعان ادامدار», دەدى قاسىم-جومارت توقاەۆ.
دەگەنمەن, مەملەكەت باسشىسىنىڭ اتاپ وتۋىنشە, ۆەدومستۆوارالىق ارنايى توپ مەملەكەتتىك توڭكەرىس جاساۋعا باعىتتالعان وسىناۋ تالپىنىستىڭ بارلىق ءمان-جايىن اشۋ ءۇشىن تاباندى تۇردە جۇمىس ىستەپ جاتىر.
«الماتىعا وتە قاتىگەزدىكپەن شابۋىل جاسالدى. ادامدار وتە قاتتى زورلىق-زومبىلىققا ۇشىرادى. ۇلكەن بازارلاردان كەلگەن مارودەرلەر وتە كوپ بولدى. الماتى اكىمدىگى مەن پرەزيدەنت رەزيدەنتسياسىنىڭ ورتەنگەنىن ايتىپ تا وتىرعانىم جوق. الماتىدا ورىن العان وقيعانى جەڭىلدەتۋگە بولمايدى», دەدى قر پرەزيدەنتى.
قاسىم-جومارت توقاەۆ تراگەديا اۋقىمىنىڭ ۇلكەندىگىن جانە قىسقا مەرزىمدە بارلىق ءمان-جايدى اشۋ قيىندىعىن ايتتى.
