تەننيس • 15 ماۋسىم، 2022

اننا دانيلينا مادريد ءتۋرنيرىنىڭ شيرەك فينالىنا جولداما الدى

16 رەت كورسەتىلدى

قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا يسپانيا استاناسى مادريد قالاسىندا ءوتىپ جاتقان ITF W60 ءتۋرنيرىنىڭ شيرەك فينالىنا شىقتى، دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.

ءبىرىنشى راكەتكا بولىپ تىركەلگەن قازاقستاندىق تەننيسشى رەسەيلىك اناستاسيا تيحونوۆامەن بىرگە باستاپقى كەزدەسۋىن يسپانيالىقتار اينوا اتۋچا-گومەس – كارمەن گاللاردو گەۆارامەن وتكىزدى. قازاقستاندىق-رەسەيلىك جۇپ 57 مينۋتقا سوزىلعان ماتچتا 6:2، 6:3 ەسەبىمەن جەڭىسكە جەتتى. ا.دانيلينا مەن ا.تيحونوۆا جۇلدە قورى 60 مىڭ اقش دوللارىنا باعالانعان جارىستىڭ جارتىلاي فينالىنا شىعۋ ءۇشىن بولگاريالىقتار الەكسا جانە ليا كاراتانچەۆالارمەن كەزدەسەدى.

قازاقستاننىڭ ەرلەر اراسىنداعى ءبىرىنشى، الەمنىڭ الەكساندر بۋبليك بۇگىن لوندون ATP 500 دوداسىنىڭ ەكىنشى اينالىمىندا رەيتينگتە 17-ورىنداعى حورۆاتيالىق مارين چيليچپەن شەبەرلىك بايقاسادى.

تاعى ءبىر قازاقستاندىق تيموفەي سكاتوۆ بلۋا (فرانتسيا) چەللەندجەر ءتۋرنيرىنىڭ ەكىنشى اينالىمىندا وسى جارىستىڭ جەتىنشى، الەمنىڭ 184-راكەتكاسى، سەربيالىق نيكولا ميلوەۆيچپەن كەزدەسەدى. كەشە ت.سكاتوۆ ارگەنتينالىق فاكۋندو دياس اكوستانى 6:4، 7:6 (7:2) ەسەبىمەن تىزە بۇكتىردى.

ايانا توعانبەك

سوڭعى جاڭالىقتار

ۇقساس جاڭالىقتار