گرانتتىق قارجىلاندىرۋ كونكۋرسىنا قۇجات قابىلدانىپ جاتىر

عىلىم قورى جانىنداعى جوبالىق ديرەكتسياسىنىڭ ديرەكتورى مانات كەلدىبەكوۆ كەيىنگى جىلدارى ەلىمىزدە بەلگىلى ءبىر كوممەرتسيالىق الەۋەتى بار پەرسپەكتيۆالىق جوبالاردىڭ پۋلى قالىپتاسقانىن جەتكىزدى.

ء«بىزدىڭ قور 2018 جىلدان باس­تاپ عىلىمي جانە عىلىمي-تەح­نيكالىق ناتيجەلەردى قار­جى­لاندىرۋ كونكۋرسىن ۇيىم­داستىرىپ كەلەدى. وسى ۋاقىت ىشىندە ەلىمىزدە بەلگىلى ءبىر كوم­مەرتسيالىق الەۋەتى بار پەرس­پەك­تيۆالىق جوبالاردىڭ پۋلى قالىپتاستى. وتاندىق عىلىمي ازىرلەمەلەرگە نەگىزدەلگەن ۇزدىك يننوۆاتسيالىق تاۋارلار مەن قىزمەتتەر مەملەكەتتىك قولداۋعا يە بولىپ, قارجىلاندىرىلادى جانە ەكسپورتقا شىعارىلادى. عالىمدار ءوز جوبالارىن جۇزە­گە اسىرۋ ءۇشىن 300 ملن تەڭگەگە دەيىن قارجى الا الادى. سونداي-اق عىلىمي جوبالار تەك قا­زاق­ستان اۋماعىندا ەنگىزى­لە­دى», دەدى م.كەلدىبەكوۆ.

كونكۋرستى ۇيىمداستىرۋشى ۇيىمنىڭ مالىمدەۋىنشە, جوبالار ەكونوميكانىڭ دەنساۋلىق ساقتاۋ, ساپالى ءبىلىم بەرۋ, تسيفر­لان­دىرۋ, گەولوگيالىق بارلاۋ, ەنەر­گەتيكالىق كەشەندى جاڭ­­­عىرتۋ, وڭدەۋ ونەركاسىبى, مۇ­ناي-حيميا ونەركاسىبى, ەكولوگيا, اگروونەركاسىپتىك كەشەن, مەتاللۋرگيا, مەتالل وڭدەۋ, تۋريزم جانە ت.ب. سياقتى سالالاردى قامتيدى. گرانتتىق كونكۋرستا اشىقتىق پەن ترانسپارەنتتىلىككە باعىتتالعان جاڭاشىلدىقتار بار. كوممەرتسيالاندىرۋ جونىن­دەگى ارنايى قۇرىلعان ۇلتتىق كەڭەستىڭ وكىلدەرى قارجى ءبولۋ ءۇشىن جوبالاردى ىرىكتەيدى. ونىڭ قۇرامىنا جەتەكشى عالىم­دار, ۆەنچۋرلىق بيزنەستىڭ, سالالار­دىڭ وكىلدەرى, يننوۆاتسيا سالا­سىن­داعى ساراپشىلار كىرەدى. كەڭەس ۇكىمەت قاۋلىسىمەن بەكى­تى­لەدى.

بايقاۋ تالاپتارىنا ساي­كەس جوبا 3 جىل ىشىندە اياق­تالىپ, ساتىلىمعا شىعۋى كەرەك, ال قوسا قارجىلاندىرۋ گرانت سوماسىنىڭ كەمىندە 20%-ىن قۇراۋعا ءتيىس. كو­ماندالار قۇرامىندا 5 ادام­عا دەيىن قاتىسا الادى.

وتىنىشتەردى قابىلداۋ باستالىپ كەتتى, بۇل 5 شىلدەگە دەيىن جۇرگىزىلەدى. وتىنىشتەردى «ۇلتتىق مەملەكەتتىك عىلى­مي-تەحنيكالىق ساراپتاما ورتا­لىعى» اق اۆتو­مات­­تان­دى­رىلعان اقپاراتتىق جۇ­يەسى, ياعني www.is.ncste.kz سىلتەمەسى ارقىلى جىبەرۋگە بولادى. قاجەتتى قۇجاتتار ءتىزىمى عىلىم كوميتەتىنىڭ (www.gov.kz/memleket/entities/sc?lang=ru), «مەملەكەتتىك ۇلت­تىق عىلىمي-تەحنيكالىق ساراپ­تا­ما ورتالىعى» اق (www.ncste.kz/ru/competition) جانە عىلىم قورىنىڭ (www.science-fund.kz) ۆەب-سايتتارىندا ورنا­لاس­تىرىلعان.