• 24 ءساۋىر, 2014

اقپاراتتار اعىنى

246 رەت

كورسەتىلدى

2 مين

وقۋ ءۇشىن

Egemen Qazaqstan

● قازاقستان بيىلعى ماركەتينگتىك جىلى 7 ملن. توننادان استام استىقتى ەكسپورتقا شىعاردى. «ازىق-ت ۇلىك كورپوراتسياسى» ۇك» اق باسقارۋشى ديرەكتورى-كوممەرتسيالىق ديرەكتورى نۇربەك دايىربەكوۆتىڭ ايتۋىنشا, ۇستىمىزدەگى جىلدىڭ ەكسپورتتىق الەۋەتى شامامەن 9,5 ميلليون توننانى قۇرايدى. «ءبىز اۋىل شارۋاشىلىعى مينيسترلىگى كورسەتكەن الەۋەتكە قول جەتكىزىلەدى دەپ ويلايمىز», – دەدى ول. ● ەلىمىزدە «جاسىل ەل» باعدارلاماسىنا 650 ملن. تەڭگە ءبولiنiپ وتىر. بiلiم جانە عىلىم مينيسترi اسلان ءسارiنجiپوۆ بيىل اتالمىش باعدارلاما قاتارىنا 20-30 مىڭ ستۋدەنت تارتىلاتىنىن جەتكىزدى. ولار نەگiزiنەن وزدەرi ءبىلىم الىپ جاتقان قالانى كوگالداندىرۋ مەن كوركەيتۋ جۇمىستارىنا اتسالىسادى. ● استانادا جەڭىس كۇنىنە وراي 60-تان استام مەرەكەلىك ءىس-شارا ۇيىمداستىرىلادى. وسى مەرەكەلىك دۋمان كۇندەرى بارلىق ارداگەرلەرگە 150 مىڭ, ۇلى وتان سوعىسىنا قاتىسۋشىلار مەن مۇگەدەكتەرiنە, سونداي-اق, سولارعا تەڭەستiرiلگەندەرگە 20 مىڭ, تىل ەڭبەككەرلەرىنە 10 مىڭ تەڭگەدەن ءبىر رەتتىك الەۋمەتتىك كومەك كورسەتىلەدى. ● اقتوبەدە بوس ورىن ءجارمەڭكەسىندە 400-دەن استام جۇمىس ورنى ۇسىنىلدى. قالاداعى «دوستىق» ۇيىندە وتكەن كەزەكتى قالالىق جارمەڭكەدە وبلىس كاسىپورىندارى مەن ۇيىمدارى 401 بوس جۇمىس ورنىن العا تارتتى. الەۋمەتتىك جۇمىس ورىندارىندا 19 بوس ورىن بولسا, تۇراقتى جۇمىس ورىندارىندا 382 بوس ورىن ۇلەسكە ءتۇستى. ● قازاقستاندىقتار تاسقىنعا ۇشىراعان اتباسار تۇرعىندارىنا 45 ملن. تەڭگە اۋداردى. قالادا قازىر تابيعات اپاتىنان جاپا شەگىپ, ءۇيسىز-كۇيسىز قالعان جاندارعا كومەك قولىن سوزۋعا نيەت بىلدىرۋشىلەردىڭ سانى كۇن ساناپ ارتىپ كەلەدى. ● ماڭعىستاۋ وبلىسىنداعى اۋىلدىق وكرۋگتەر اكىمدەرى جاڭا كولىكتەرگە قول جەتكىزدى. وبلىس اكىمى اليك ايدارباەۆ اۋداندارداعى ەلدى مەكەندەر مەن فورت-شەۆچەنكو قالاسىنىڭ اكىمدەرىنە 33 «نيۆا» جانە 1 «Kia Cerato» اۆتوموبيلدەرىنىڭ كىلتتەرىن تاپسىردى. ● جامبىل وبلىسىندا ۇكىمەتتىك ەمەس ۇيىمدارعا 186,1 ملن. تەڭگە ءبولىندى. وتكەن جىلعىدان 51,7 ملن. تەڭگەگە ارتىق بۇل سوما 35 لوت بويىنشا تاراتىلادى. بۇل تۋرالى وبلىس اكىمىنىڭ ءبىرىنشى ورىنباسارى بەكبولات ورىنبەكوۆ وسى ۇيىمدار وكىلدەرىمەن كەزدەسۋى كەزىندە مالىمدەدى. ● وسكەمەندە كورەي مادەني ورتالىعى قۇرىلىپ, ىسكە كىرىستى. قالاداعى «كۆانسون» قازاقستان-كورەيا كوللەدجىنىڭ بازاسىندا اشىلعان بۇل مەكەن وسكەمەن جانە كاننىنا قالالارىنىڭ باۋىرلاس اتانۋىنا بايلانىستى پايدا بولدى. BNews.kz, Altaynews.kz, Egemen.kz اقپارلارى مەن «زناميا ترۋدا» گازەتى سايتتارى بويىنشا دايىندالدى.