ەكۆادور اقپارات قۇرالدارىنىڭ حابارلاۋىنشا, ەل پرەزيدەنتى گيلەرمو لاسسونىڭ شەشىمدەرىنە نارازىلىق بىلدىرگەن شەرۋشىلەر تاڭەرتەڭ چيمبورازو, كوتوپاكسي, پاستاسا, ناپو جانە تۋنكۋراگۋا پروۆينتسيالارىندا جولداردى جاۋىپ تاستاعان.
ەكۆادوردىڭ بايىرعى حالىقتارى كونفەدەراتسياسىنىڭ (CONAIE) باسشىسى لەونيداس يزا ۇكىمەت تالاپتاردى ورىنداۋدان باس تارتقان جاعدايدا ەلدەگى ەڭ ءىرى ءۇندى ۇيىمى جالپى ەرەۋىل جاريالاۋعا دايىن ەكەنىن مالىمدەدى.
ونىڭ ايتۋىنشا, ۇكىمەتكە ون تالاپ جولدانعان.
«ۇكىمەت حۆق-نىڭ ەمەس, حالىقتىڭ تالابىن ورىنداۋى كەرەك. حالىق بيلىكتىڭ ءوز ۇستانىمىن تاڭۋ ارەكەتىن قابىلدامايدى», دەدى ول.
شەرۋشىلەر ەل استاناسى كيتوعا اپاراتىن جولداردى ۋاقىتشا جاۋىپ تاستادى. نارازىلىق اكتسيالارىنا 53-تەن استام ۇەۇ قاتىستى.
ەكۆادوردا ۇكىمەتكە قارسى اكتسيالار وتكەن جىلدىڭ سوڭىندا باستالعان ەدى.
ەسكە سالساق, بىلتىرعى 27-28 قازاندا ۇكىمەت پەن پرەزيدەنت رەزيدەنتسياسى – كاروندەلە سارايىنا جۇزدەگەن دەمونسترانتتار جينالعان بولاتىن. تارتىپسىزدىكتەر كەزىندە سەگىز پوليتسەي جارالاندى, 37 ادام ۇستالدى.
