كەدەن وداعىندا يمپورتتىق كارانتيندiك رۇقسات الۋ توقتاتىلدى

استانا. 23 ءساۋىر. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا باسقارماسىنىڭ باسشىسى ارمان ابدۋللين كەدەن وداعىنا مۇشە مەملەكەتتەر اراسىندا يمپورتتىق كارانتيندiك رۇقسات الۋ توقتاتىلعانىن مالiمدەدى. بۇل تۋرالى Bnews.kz حابارلادى. ارمان ءابدۋلليننىڭ سوزىنە قاراعاندا, 2011 جىلدىڭ 19 مامىرىنداعى ەۋرازيالىق ەكونوميكالىق وداق مەملەكەتارالىق كەڭەسiنىڭ شەشiمiنە سايكەس, كەدەن وداعى  ەلدەرى اراسىندا كارانتينگە جاتقىزىلعان ونiمدەردi الىپ جۇرۋگە جانە اكەلۋگە ارنايى رۇقسات الۋدىڭ ەندى قاجەتى جوق. تاعى ءبىر ايتا كەتەر ءجايت, كەدەن وداعى اياسىندا وسiمدiكتەر كارانتينiنە بايلانىستى بىرنەشە تۇيتكىلدەر وڭتايلاندى. ياعني, كەدەن وداعىنا مۇشە مەملەكەتتەر اراسىنداعى تاسىمال كەزiندە, سونىمەن قاتار, وزگە ەلدەردەن وسىنداي ونiمدەردى يمپورتتاۋ كەزiندە بiرقاتار كەدەرگiلەردi جويۋ ءىسى شەشىمىن تاپتى. جولدىباي بازار. دەرەككوز: Bnews.kz. فوتو: MUNARA.kz.