«بيىل مامىر ايىندا جاھاندىق نارىقتاردا قۇبىلمالىلىق ساقتالدى. الەمدىك ەكونوميكا گەوساياسي تاۋەكەلدەر مەن تۇراقتى جوعارى ينفلياتسيا اياسىندا بولدى. دامىعان ەلدەردىڭ ورتالىق بانكتەرى ينفلياتسيامەن تاباندى كۇرەسەتىنىن جانە مونەتارلىق تالاپتاردى بىرتىندەپ قالپىنا كەلتىرەتىنىن مالىمدەدى. الەمدە اقشا-كرەديت تالاپتارى كۇشەيىپ جاتىر. مامىردا اقش فەدەرالدىق رەزەرۆ جۇيەسى مولشەرلەمەنى 50 بازيستىك تارماققا كوتەرىپ, 1 ماۋسىمنان باستاپ بالانستى قىسقارتۋ باستالعانىن جاريالادى. جىل سوڭىنا دەيىن مولشەرلەمەنىڭ تاعى 200 بازيستىك تارماققا 3 پايىزعا دەيىن كوتەرىلۋ مۇمكىندىگى بار. بيىلعى شىلدەدە ەۋروپا ورتالىق بانكى 2011 جىلدان بەرى العاش رەت مولشەرلەمەنى ءبىرىنشى بولىپ كوتەرۋى مۇمكىن», دەدى ۇلتتىق بانك توراعاسى.
ونىڭ ايتۋىنشا, ۇزاق مەرزىمدى وبليگاتسيالار كىرىستىلىگىنىڭ جىلدام ءوسۋى جانە ەكونوميكاسى دامىعان ەلدەردە, اسىرەسە, اقش-تا اقشا-كرەديت ساياساتىنىڭ بارىنشا جىلدام كۇشەيتىلۋىن كۇتۋ تاۋەكەلدى اكتيۆتەرگە ازداپ قىسىم كورسەتەدى. ماسەلەن, مامىردا 2022 جىلدىڭ باسىنان باستاپ دامىعان ەلدەردىڭ اكتسيالارى 13,6 پايىزعا تومەندەدى. اقش-تىڭ 10 جىلدىق مەملەكەتتىك باعالى قاعازدارىنىڭ كىرىستىلىگى 1,33 پايىزعا ءوستى.
«14 ماۋسىمداعى جاعداي بويىنشا دامىعان ەلدەردىڭ اكتسيالارى جىلدىڭ باسىنان باستاپ 21,3 پايىزعا تومەندەدى. بۇل امەريكا قۇراما شتاتتارىندا 40 جىلداعى رەكوردتىق ينفلياتسياعا بايلانىستى اقش-تىڭ فەدەرالدى رەزەرۆتىك جۇيەسىنىڭ اقشا-كرەديت ساياساتىن نەعۇرلىم تەزىرەك قاتاڭداتۋىنا الاڭداۋشىلىق ەسەبىنەن بولدى. دامۋشى ەلدەردىڭ وبليگاتسيالارى بويىنشا سپرەد ۇلعايىپ كەلەدى. رەسەي فەدەراتسياسىنىڭ ۋكراينامەن قاقتىعىسىنىڭ باستالۋىمەن كۇرت وسكەن جاھاندىق بەلگىسىزدىك جوعارى دەڭگەيدە قالىپ وتىر. گەوساياسي احۋال شيەلەنىسكەن جاعدايدا جاھاندىق ەكونوميكانىڭ ءوسۋ بولجامدارى تومەندەۋ جاعىنا قاراي قايتا قارالادى. وسىعان بايلانىستى جاھاندىق ىسكەرلىك بەلسەندىلىكتىڭ باياۋلاعانىنا قاراماستان ءوسۋ ايماعىندا. مامىردا Global Composite PMI, كوبىنەسە, قىتايداعى كارانتيننىڭ السىرەۋىنە جانە ءوندىرىس پەن جاڭا تاپسىرىستاردىڭ تەز وسۋىنە بايلانىستى 51,5-كە دەيىن ازداپ ءوستى. وندىرىستىك شىعىنداردىڭ قۇنى مەن ءونىمنىڭ باعاسى رەكوردتىق قارقىنمەن ءوسىپ كەلەدى. دامىعان ەلدەردە ينفلياتسيا رەكوردتىق دەڭگەيدە ساقتالىپ وتىر», دەدى عالىمجان ءپىرماتوۆ.
