الداۋ اسقىنىپ تۇر

كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي “بانك تسەنتر كرەديت” اق قىزمەتى بويىنشا قارجى پوليتسياسى مەن قارجى باقىلاۋ اگەنتتىگىنىڭ بىرلەسىپ جۇرگىزىپ جاتقان تەكسەرىس بارىسى اياقتالۋ ساتىسىندا دەپ حابارلادى. قازىرگى ۋاقىتتا قارجى باقىلاۋ اگەنتتىگى  اتالعان بانك قىزمەتىندە بانكتىك زاڭنامانىڭ  قانداي دا ءبىر بۇزىلعانىن انىقتاعان جوق.  وعان بايلانىستى قارجى پوليتسياسى ورگاندارى دا تەكسەرىس ناتيجەلەرى بويىنشا پروتسەسسۋالدىق شەشىم قابىلدايتىن بولادى.  سونىمەن قاتار رەسمي وكىل ەلىمىزدە سوڭعى كەزدەرى قاساقانا الداۋ نەمەسە سەنىمگە قيانات جاساۋ ارقىلى بوگدەنىڭ مۇلكىن ۇرلاۋ, ياعني الاياقتىق جاساۋ دەرەكتەرى ءجيى ورىن الىپ وتىرعانىن ايتىپ ءوتتى. جالپى, ەلىمىزدىڭ زاڭى بوي­ىن­شا الاياقتىق جولمەن بوگدەنىڭ ءمۇل­كىنە سۋىق قول جۇگىرتكەندەرگە اۋىر جازا تاعايىندالادى. ونداي جان­دار­دىڭ تەرىس ءىسى اشكەرەلەنىپ جاتسا ون جىلعا باس بوستاندىعىنان ايى­رىل­عانىمەن قاتار, بار مۇلكى ءتار­كى­لەنەدى. بىراق سوعان قاراماستان الاياقتىق كەڭ تاراعان جانە قوعام­دىق قاۋىپتىلىگى جوعارى قىلمىس بولىپ وتىرعان كورىنەدى. ماسەلەن, مۇنداي قىلمىس تۇرىنە ءجيى بارا­تىن­داردىڭ كوپتىگى سونداي تەك ءۇستى­مىزدەگى جىلدىڭ ءۇش ايىندا عانا التى جۇزگە جۋىق قىلمىستىق ءىس قوز­عالعان. 483 قىلمىستىق ءىس جەتە تەك­سەرىلىپ, سوت قاراۋىنا جىبەرىلدى. وسى الاياقتاردىڭ ءىس-ارەكەتتەرىنەن مەملەكەت پەن جازىقسىز جاندار 2 ملرد. تەڭگەدەن استام زالال شەككەن. ماسەلەن, الما­تى قالاسىندا ريەل­تور­لىق فيرمانىڭ ديرەكتورى مەن ونىڭ ورىنباسارى  جالعان قۇجات­تار دايىنداپ, جىلجىمايتىن ءمۇل­ىكتى ساتۋ ارقىلى 48 ملن. تەڭگەنى قالتاعا باسقان. بىراق جالعاندىق جارعا جىعادى دەگەندەي, الاياقت­ار­دىڭ ءىسى اشكەرەلەنىپ, وزدەرى تيىسىنشە 8,6 جانە 7,6 جىلعا سوتتالىپ, م ۇلىكتەرى تاركىلەندى. الاياقتاردىڭ قارماعىنا كوبىنە قاراپايىم ادامدار ءىلىنىپ جاتادى. ولار بيلىكتىڭ اتىنان ءسوز ايتاتىن جاندارعا كادىمگىدەي سەنىم ارتادى. ال نەگىزىندە جۇرت ونداي جانداردىڭ ناعىز قىلمىسكەرلەر ەكەنىن اجى­راتا الماي قالادى. ادال جان­دار­دىڭ وسى سەنگىشتىك قاسيەتىن جاقسى بىلەتىن سابينا يپوتەكاعا پاتەرلەر راسىمدەپ بەرەمىن دەگەن قۇر سوزىمەن عانا استا­نا قالاسىنىڭ كوپتەگەن تۇرعىنىنىڭ 35,5 ملن. تەڭگەسىن قول­دارىنان ساناپ الىپ, تايىپ وتىر­عان. ايتا بەرسە قارجى پولي­تسياسى كەلتىرگەن مۇنداي مىسالدار وتە كوپ. ولار تۇرعىن ءۇي باعدار­لا­ماسى بويىنشا بەرىلەتىن پاتەرلەردى جانە جەر تەلىمدەرىن الاۋعا كومەك كورسەتەمىز دەگەن الداۋلار ارقىلى دا تالاي ادامنىڭ قىرۋار قارجى­سىن يەلەنىپ كەتكەن. سونىمەن قاتار رەسمي وكىل باس بوستاندىعىنان ايىرۋ ورىندا­رىن­دا جازاسىن وتەپ جۇرگەن سوتتالعان­داردىڭ ۇيالى بايلانىس مۇمكىندىگىن پايدالانۋ ارقىلى قىلمىستىق ارەكەتتەرىن جالعاستىرۋ بارىسىندا اشكەرەلەنگەنىن, قۇنى وتە ارزان اۆتوكولىكتەردى الىپ كەلەمىن دەگەن الاياقتاردىڭ كوپتەگەن ازاماتتاردى الداپ كەتكەنىن, نەسيە الۋ ماقسا­تى­مەن بانك سالاسىندا جالعان قۇجات­تاردى پايدالانۋ ارقىلى جاسالعان قىلمىستىق ارەكەتتەردىڭ انىقتال­عانىن جانە  الەۋمەتتىك تولەم رەتىندە بولىنگەن بيۋدجەت قاراجاتىن ۇرلاۋ فاكتىلەرى تىركەلگەندىگىن حابارلادى. الەكساندر تاسبولاتوۆ.