ءداستۇر بويىنشا اپتانىڭ سەيسەنبىسىندە وتەتىن ۇكىمەت وتىرىسىنا جاڭادان قۇرىلعان ءۇش وبلىستىڭ اكىمدەرى دە قاتىسىپ وتىر. سونداي-اق وقۋ-اعارتۋ جانە عىلىم جانە جوعارى ءبىلىم مينيسترلەرى دە بار.
پرەزيدەنت جارلىعىمەن عىلىم جانە جوعارى ءبىلىم ءمينيسترى بولىپ تاعايىندالعان ساياسات نۇربەك سالتاناتتى تۇردە انت بەردى.
«قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانىم قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا, مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا, ءوزىمنىڭ بارلىق ءىس-ارەكەتىمدە زاڭدىلىق پەن ادىلەتتىلىك, ازاماتتىق, ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا, قازاقستان حالقىنا ادال قىزمەت ەتۋگە, ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت بەرەمىن!», دەدى ول.
پرەمەر-مينيستر ءاليحان سمايىلوۆ ۇكىمەتكە قوسىلعان شەنەۋنىكتەردى قۇتتىقتاپ, قىزمەتتەرىنە تابىس تىلەدى. سونىمەن قاتار ۇكىمەت باسشىسى بۇگىن وقۋ اعارتۋ ءمينيسترى اسحات ايماعامبەتوۆ قىرىق جاسقا تولىپ وتىرعانىن اتاپ ءوتتى.
