سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول-كولىك وقيعاسى كەشە تۇسكى ساعات 14:30 شاماسىندا پەتروپاۆل اينالما جولىندا, ياعني ر-49 رەسپۋبليكالىق اۆتوجولىنىڭ 12-شاقىرىمىندا جۇمىسشى كەنتىنە كىرەبەرىستە بولعان.
«Toyota Alphard» جانە «Nissan Patrol» اۆتوكولىكتەرى سوقتىعىسقان. جول-كولىك وقيعاسى سالدارىنان «Toyota Alphard» اۆتوكولىگىنىڭ 71 جاستاعى جولاۋشىسى قازا تاپتى, تاعى ءۇش جولاۋشى قالاداعى مەديتسينالىق مەكەمەلەرگە جەتكىزىلدى.
اتالعان فاكتى قر قىلمىستىق كودەكسىنىڭ 345-بابى 3-بولىگى («كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى») بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. ءتيىستى انىقتاۋ جۇمىستارى جۇرگىزىلىپ جاتىر.
