قالالىق پوليتسيا باسقارماسى ءباسپاسوز قىزمەتىنىڭ مالىمەتىنە سۇيەنسەك, جىل باسىنان بەرى شاھار بويىنشا 64 جول اپاتى تىركەلگەن. سونىڭ سالدارىنان 5 ادام كوز جۇمىپ, 90 ازامات ءتۇرلى دەڭگەيدەگى جاراقات الدى.
«جول-كولىك وقيعالارىنىڭ نەگىزگى سەبەپتەرى – جۇرگىزۋشىلەردىڭ جىلدامدىقتى رۇقسات ەتىلگەن شەكتەن اسىرۋى, كولىكتى ماس كۇيدە تىزگىندەۋ, باسىپ وزۋ ەرەجەلەرىن بۇزۋ, قارسى جولاققا شىعۋ. تۇرعىنداردىڭ اقاۋى بار كولىكتى جۇرگىزۋى دە جول اپاتتارىنا اكەلىپ سوعىپ جاتادى. سونداي-اق جاياۋ جۇرگىنشىلەردىڭ ەرەجەلەردى ساقتاماۋى سالدارىنان بولاتىن وقىس وقيعالار جيىلەپ كەتتى», دەلىنگەن اقپاراتتا.
وسى رەتتە, ءتارتىپ ساقشىلارى جۇرتشىلىققا جول ءجۇرۋ ەرەجەلەرىن قاتاڭ ساقتاپ, جولدا ءاردايىم اباي بولۋ قاجەتتىگىن ەسكەرتەدى.
