«تۇتاستاي العاندا, زاڭ جوباسىندا 7 زاڭ مەن 2 كودەكسكە تۇزەتۋلەر كوزدەلگەن. ولار ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى زاڭناما نورمالارىن جەتىلدىرۋگە, وتىننىڭ بالامالى ءتۇرى رەتىندە گازدى پايدالانا وتىرىپ, گەنەراتسيالايتىن قوندىرعىلاردى سالۋمەن قوسا جاڭعىرتۋعا, رەكونسترۋكتسيالاۋعا ءارى كەڭەيتۋگە ينۆەستيتسيالاردى قايتارۋ تەتىگىن ەنگىزۋگە باعىتتالعان. سونىمەن قاتار تاقتاتاس مۇنايىن ءوندىرۋدى دامىتۋ, شەكارا بولىمشەلەرى مەن مەملەكەتتىك شەكارا ارقىلى وتكىزۋ پۋنكتتەرىن سالۋ جونىندەگى ماسەلەلەردى شەشۋ ەسكەرىلگەن», دەپ ءتۇسىندىردى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ.
ونىڭ ايتۋىنشا, ەنەرگيا ۇنەمدەۋدىڭ نەگىزگى باعىتتارى - بۇل مەملەكەتتىك ەنەرگەتيكالىق ءتىزىلىم, ەنەرگيا ءاۋديتى, مەملەكەتتىك باقىلاۋ, بيۋدجەتتىك سەكتور جانە وڭىرلىك ساياسات.
«ەلىمىزدىڭ ەنەرگيا تۇتىنۋىنىڭ ۇشتەن ءبىر بولىگىن قامتيتىن ءىرى كاسىپورىنداردا ەنەرگيا ۇنەمدەۋ بويىنشا جاۋاپتى تۇلعالاردى ەنگىزۋ, سونداي-اق بارلىق ەنەرگيا ءتىزىلىم سۋبەكتىلەرىنىڭ 90%-عا جۋىعىن تۇتىناتىن توپ-100 كاسىپورىن ءۇشىن ەنەرگيا تيىمدىلىگى بويىنشا نىسانالى ينديكاتورلاردى بەلگىلەۋ ۇسىنىلادى», دەدى مينيستر.
ەنەرگيا ۇنەمدەۋدىڭ ەلەۋلى الەۋەتىنە يە بيۋدجەت سەكتورىن رەتتەۋدى كۇشەيتۋ ماقساتىندا كەلەسى شارالار كوزدەلگەن:
- مەملەكەتتىك مەكەمەلەردە ەنەرگيا تۇتىنۋدى ازايتۋدى قامتاماسىز ەتەتىن, سونداي-اق ەنەرگيا تۇتىناتىن جابدىقتىڭ قازاقستاندىق نارىعىن قايتا قۇرۋعا سەرپىن بەرەتىن ەنەرگيا ءتيىمدى مەملەكەتتىك ساتىپ الۋدى ەنگىزۋ;
- ەنەرگيا تۇتىنۋ نورماتيۆتەرىن بەلگىلەۋ, ولاردى ساقتاۋ مونيتورينگى, بەنچماركينگ جانە ەنەرگيا تيىمدىلىگى بويىنشا ءتيىستى ۇسىنىمدار بەرۋ ۇسىنىلادى.
