قۇجات اياسىندا بايلانىس قىزمەتتەرىن كورسەتۋ قاعيدالارىن بۇزعانى ءۇشىن اكىمشىلىك جاۋاپكەرشىلىكتى بەلگىلەۋ, سونداي-اق ينتەرنەت ساپاسىنىڭ بەلگىلەنگەن تالاپتارىنا سايكەس كەلمەگەنى ءۇشىن ايىپپۇلدار سوماسىن ۇلعايتۋ ارقىلى رەتتەۋشىنىڭ ءرولىن كۇشەيتۋ ۇسىنىلادى. ۇيالى جانە تىركەلگەن بايلانىس قىزمەتتەرىن كورسەتۋ ساپاسىن ارتتىرۋ ماقساتىندا ايىپپۇلدار سوماسىن ۇلعايتۋ قاجەت.
«جۇمىس بارىسىندا ءبىلىم بەرۋ, قارۋ اينالىمى جانە سالىق زاڭناماسى سالالارىندا اكىمشىلىك قۇقىق بۇزۋشىلىقتار بويىنشا اكىمشىلىك جازالاۋ شارالارىن بەلگىلەۋگە باعىتتالعان تۇزەتۋلەر ەنگىزىلدى. مىسالى, جوعارعى وقۋ ورىندارى جابىلعان جاعدايدا ءبىلىم الۋشىلاردى اۋىستىرۋ جونىندەگى مىندەتتەمەلەردى ورىنداماسا, قۇرىلتايشىلاردىڭ اكىمشىلىك جاۋاپكەرشىلىگىن بەلگىلەۋ, سونداي-اق جوعارعى وقۋ ورىندارىن ليتسەنزيادان ايىرۋ جونىندەگى فۋنكتسيالاردى ۋاكىلەتتى ورگانعا بەرۋ ۇسىنىلادى», دەدى ءماجىلىس دەپۋتاتى ءنازيلا راززاق.
سونىمەن قاتار بيلىك وكىلدەرىنىڭ زاڭدى تالاپتارىنا باعىنباۋعا بايلانىستى اكىمشىلىك قۇقىقبۇزۋشىلىقتار ءۇشىن جاۋاپكەرشىلىكتى كۇشەيتۋ كوزدەلگەن.
«اڭ اۋلايتىن, بەلگى بەرەتىن قارۋدى جانە ولاردىڭ قۇرامداس بولىكتەرىن زاڭسىز يەمدەنۋ, وتكىزۋ, ساقتاۋ, الىپ ءجۇرۋ, تاسىمالداۋ ءۇشىن اكىمشىلىك جاۋاپكەرشىلىك بەلگىلەنەدى. ۇسىنىلىپ وتىرعان تاعى ءبىر ماڭىزدى تۇزەتۋلەردىڭ ءبىرى – اۆتوكولىكتى قايتالاپ نەمەسە بىرنەشە رەت مەملەكەتتىك ءنومىرسىز باسقارعانى ءۇشىن, سونداي-اق اۆتوكولىك قۇرالدارىنا جالعان نەمەسە قولدان جاسالعان مەملەكەتتىك ءنومىر ورناتقانى ءۇشىن جاۋاپكەرشىلىكتى كۇشەيتۋ. مىسالى, بۇرىن تەك ايىپپۇل سالىناتىن بولسا, ەندى جۇرگىزۋشىنى 1 جىلعا كۋالىگىنەن ايىرۋ جانە 5 تاۋلىك قاماۋعا الۋ قاراستىرىلىپ وتىر», دەدى دەپۋتات.
