«وسىدان 2 كۇن بۇرىن ەلدەرىڭىزدە كونستيتۋتسياعا وزگەرتۋلەر مەن تولىقتىرۋلار ەنگىزۋ جونىندەگى رەفەرەندۋم ءوتتى. ونىڭ قورىتىندىسى پرەزيدەنت قاسىم-جومارت توقاەۆ جۇرگىزىپ وتىرعان رەفورمالار قازاقستان حالقى تاراپىنان قولداۋ تاپقاندىعىن بىلدىرەدى. وسىعان وراي سىزدەردى قۇتتىقتايمىن. قاسىم-جومارت توقاەۆتىڭ سەنىمدى باسشىلىعى مەن بۇكىل قازاقستان حالقىنىڭ ورتاق كۇش-جىگەرىنىڭ ارقاسىندا جاڭا قازاقستاندى قۇرۋ جولىندا تاماشا جەتىستىكتەرگە جەتەتىندىكتەرىڭىزگە سەنىمىم مول», دەدى ۆان ي قر سىرتقى ىستەر ءمينيسترى مۇحتار تىلەۋبەردىمەن كەزدەسۋدەن كەيىنگى بريفينگىدە.
ونىڭ اتاپ وتۋىنشە, قازاقستان مەن قىتاي دوستىعى مىڭداعان جىلداردان تامىر الادى جانە سوڭعى 30 جىلداعى ىنتىماقتاستىققا نەگىزدەلەدى.
الداعى ۋاقىتتا دا ەكى ەلدىڭ قارىم-قاتىناسىن ءوزارا قۇرمەت, تەڭدىك, سەنىم, ىنتىماقتاستىقتى كۇشەيتۋ, ءداستۇرلى دوستىقتى نىعايتۋ پرينتسيپتەرىنە نەگىزدەلەدى.
«ستراتەگيالىق ءوزارا سەنىمدى مۇلتىكسىز نىعايتامىز», دەدى ول.
